“ဆောင်းနှမ်းများစတင်ထွက်ရှိမှုနှင့်စျေးနှုန်းစျေးကွက်”

မန္တလေးတိုင်းဒေသကြီး၊ ကျောက်ဆည်ခရိုင်သည် သီးနှံမျိုးစုံအောင်မြင်ဖြစ်ထွန်းလျှက်ရှိပြီး ဆီထွက်သီးနှံတစ်မျိုးဖြစ်သည့် နှမ်းသီးနှံကိုလည်း တစ်နှစ်ပတ်လုံးစိုက်ပျိုးလာကြပါသည်။ ၂၀၂၄- ၂၀၂၅ဘဏ္ဍာနှစ်တွင် ဆောင်းနှမ်းစိုက်ဧက ခရိုင်အတွင်း(၁၁၈၆၇)ဧကစိုက်ပျိုးထားရှိပြီး ဖေဖော်ဝါရီလ ပထမအပတ်မှစတင်၍ ရိတ်သိမ်းလျှက်ရှိပါသည်။စဉ့်ကိုင်မြို့နယ်တွင်(၁၀၈၈)ဧက စိုက်ပျိုးထားရှိ ကြောင်း ၊ ရိတ်ဧကအနေဖြင့်(၁၀၀၅)ဧကရိတ်သိမ်းပြီး အထွက်တင်းအနေဖြင့် (၉-၁၀)တင်းထွက်ရှိ ကြောင်း၊ ခရိုင်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရသည်။ ဆောင်းနှမ်းစိုက်ပျိုးမှု (၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း(၃၅၀၀၀၀/-)ကျပ် ခန့်ကုန်ကျခဲ့ကြောင်း၊ယခင်နှစ်အကျိုးအမြတ်အနေဖြင့် နှမ်းဖြူတစ်တင်းလျှင်(၁၃၃၀၀၀/-)ကျပ်၊ နှမ်းညိုတစ်တင်းလျှင်(၁၀၃၀၀၀/-)ကျပ်၊ နှမ်းနက်တစ်တင်းလျှင်(၈၀၀၀၀/-)ကျပ်၊နှမ်းဆီတစ်ပိဿာ လျှင်(၁၃၀၀၀/-)ကျပ်ဖြင့်ရောင်းချရသောကြောင့် စိုက်ပျိုးစရိတ်နှုတ်ပြီးပါက(၈၀၀၀၀၀/-)ကျပ်ကျော် မြတ်ကြောင်း၊ယခုလက်ရှိ နှမ်းစျေးနှုန်းအနေဖြင့်နှမ်းဖြူတစ်တင်းလျှင်(၁၃၅၀၀/-)ကျပ် ၊ နှမ်းညို တစ်တင်းလျှင်(၉၉၀၀၀/-)ကျပ် ၊ နှမ်းနက်တစ်တင်းလျှင်(၁၀၀၀၀၀/-)ကျပ် ၊ နှမ်းဆီတစ်ပိဿာလျှင် (၁၆၀၀၀/-)ကျပ်ဖြင့်ရောင်းဝယ်လျှက်ရှိပြီး တောင်သူများမှ မြို့ပေါ်ပွဲရုံများသို့ တိုက်ရိုက်ရောင်းချကြ ကြောင်း၊ပွဲရုံများမှတဆင့် ရန်ကုန်၊မန္တလေးမြို့များသို့ တင်ပို့ရောင်းချလျှက်ရှိပါသည် ။ နှမ်းစျေးနှုန်း များကောင်းမွန်သောကြောင့် တောင်သူများ အကျိုးအမြတ်ဖြစ်ထွန်းကြောင်း ၊ စဉ့်ကိုင်မြို့နယ် ၊ ရွာတော်ရွာမှ နှမ်းစိုက်တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)