စားနပ်ရိက္ခာဖူလုံရေးအတွက် စိုက်ပျိုးရေးကို ဦးစားပေးလုပ်ဆောင်ရန် တူရကီကျွမ်းကျင်သူများက ဖွံ့ဖြိုးဆဲနိုင်ငံများအား တိုက်တွန်း

တူရကီမြို့ရှိ စိုက်ပျိုးရေးကျွမ်းကျင်သူများက ဖွံ့ဖြိုးဆဲနိုင်ငံများသည် နိုင်ငံတော်လုံခြုံရေး နှင့် စားနပ်ရိက္ခာ ရေရှည်တည်တံ့ခိုင်မြဲရေးအတွက် စိုက်ပျိုးရေးကို ဦးစားပေးလုပ်ဆောင်ရမည် ဖြစ်ကြောင်းပြောကြားခဲ့သည်။ Tekirdag Namik Kemal University မှ ပညာရှင် Halim Orta နှင့် Türkiye's Thrace ဒေသရှိ ဂျုံစိုက်တောင်သူ Halim Orta က အစိုးရများသည် ရေရှည်မဟာဗျူဟာများတွင် ရင်းနှီးမြှုပ်နှံပါက  စားနပ်ရိက္ခာဖူလုံမှုရရှိနိုင်စေမည်ဖြစ်ကြောင်း မှတ်ချက်ပြုခဲ့သည်။ ဥပမာအားဖြင့် တူရကီနိုင်ငံသည် ၎င်း၏ကိုယ်ပိုင်အစားအစာလိုအပ်ချက်များ ကိုဖြည့်ဆည်းရန်သာမက Malatya apricots နှင့် Antalya citrus ကဲ့သို့သော သီးသန့်သီးနှံများကို စိုက်ပျိုးရန်၊ သွင်းကုန်မှီခိုအားထားမှုကို လျှော့ချရန်နှင့် စားနပ်ရိက္ခာဖူလုံမှုကို မြှင့်တင်ရန် ၎င်း၏ ထူးခြားသောပထဝီဝင်အနေအထားကို အသုံးချနိုင်သည်ဟု Orta မှ ပြောကြားခဲ့သည်။ Orta သည် ထုတ်လုပ်မှုကုန်ကျစရိတ်ကို လျှော့ချခြင်း၊ ရေရှည်မူဝါဒများကို အကောင်အထည်ဖော်ခြင်းနှင့် ထောက်ပံ့ကြေးများပေးခြင်းတို့သည် စားနပ်ရိက္ခာဖူလုံမှုရှိ‌စေရေးအတွက် မရှိမဖြစ်လိုအပ်ကြောင်း အလေးပေးပြောကြားခဲ့သည်။ Istanbul Chamber of Agricultural Engineers အကြီးအကဲ Murat Kapikiran က Türkiye အပါအဝင် ဖွံ့ဖြိုးဆဲနိုင်ငံများအတွက် လယ်သမားများ၏ လှုံ့ဆော်မှုနှင့် စျေးကွက်အန္တရာယ်များကို ခံနိုင်ရည်ရှိအောင် ကာကွယ်ရန် လိုအပ်ကြောင်း အလေးပေးပြောကြားခဲ့သည်။ လက်ရှိမူဝါဒများသည် ကျေးလက်နေလူဦးရေ နည်းပါးလာခြင်း၊ ကုန်ထုတ်စွမ်းအား ကျဆင်းခြင်း၊ မြေယာစွန့်ပစ်ခြင်း နှင့် အစားအစာ တင်သွင်းမှုအပေါ် မှီခိုအားထားမှု တိုးလာခြင်းတို့ ဖြစ်ပေါ်စေကြောင်း ၎င်းက သတိပေးခဲ့သည်။

DOCA(ရန်ကုန်)