အပူပိုင်းဒေသဖြစ်သည့် မြန်မာနိုင်ငံ၏ အလယ်ပိုင်းတွင် အညာဒေသ၏အမှတ်အသား ဖြစ်သည့် မန်ကျည်းပင်များ ပေါများစွာပေါက်ရောက်လျက်ရှိပြီး မန်ကျည်းပင်သည် အရိပ်အာဝါသ ပေးသော အပင်ဖြစ်သည့်အပြင် အသီးကို အစာအာဟာရအဖြစ်သော်လည်းကောင်း၊ ကျန်းမာရေးအတွက် ဆေးအဖြစ်သော်လည်းကောင်း အသုံးပြကြပါသည်။ မန်ကျည်းပင်တစ်ပင်လုံး၏ အသုံးဝင်ပုံမှာ မန်ကျည်းရွက်နု၊ မန်ကျည်းသီးစိမ်း၊ မန်ကျည်းသီးမှည့်ဟူ၍ ကဏ္ဍအလိုက် အသုံးဝင်သော အသီးဖြစ်သည်။
မန်ကျည်းသီးအစိမ်းကို ထောင်းစား၍သော်လည်းကောင်း၊ ချဉ်ရေချက်၍သော်လည်းကောင်း စားသုံးကြပြီး မန်ကျည်းသီးမှည့်ကို မှည့်သည့်အချိန်တွင် အစေ့ထုတ်ကာ ဆားဖြင့်နယ်ပြီး နှစ်ရှည်ခံ အောင် ဖန်ဘူးများ၊ စဉ့်အိုးလေးများဖြင့် လေလုံအောင်သိမ်းဆည်းထားပါက နှစ်ပေါက်စားရသော အသီးဖြစ်သည်။ အလွန်ပူအိုက်သောရာသီဖြစ်သည့် နွေရာသီတွင် မန်ကျည်းသီးမှည့်များကို မန်ကျည်းဖျော်ရည် အဖြစ်ရောင်းချချကြောင်း၊ အခါကြီးရက်ကြီးနေ့များတွင် ဘုရားကျောင်း ကန်များ၌ မန်ကျည်းဖျော်ရည်အဖြစ် လှူဒါန်းကြကြောင်း၊ ရွှေဘိုမြို့တွင် မန်ကျည်းစိမ်းပေါ်ချိန်၌ နို့ဆီဘူး(၁)ဘူးလျှင် (၇၀ဝိ/-)ကျပ်ဖြင့် ရောင်းချခဲ့ကြပြီး ၂၀၂၅ခုနှစ်၊ ဖေဖော်ဝါရီလ (ဒုတိယ) ပတ်တွင် ပေါ်ဉီးပေါ်ဖျား မန်ကျည်းသီးမှည့်ဈေးနှုန်းများမှာ အစေ့ပါ(၁)ပိဿာလျှင် (၁၂၀၀ဝိ/-) ကျပ်၊ အစေ့လွတ်(၁)ပိဿာလျှင်(၂၀၀၀ဝိ/-)ကျပ်၊ မန်ကျည်းသီးမှည့်အဟောင်း (၁)ပိဿာလျှင် (၈၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိကြောင်း သတင်းရရှိပါသည်။
DOCA(စစ်ကိုင်း)