၂၀၂၅ ခုနှစ်၊ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ မြို့မစည်ပင်သာယာဈေးကွက်အတွင်း ကြက်သွန်ဖြူကို ရှမ်းပြည်နယ် အောင်ပန်းမြို့နှင့်မန္တလေးတိုင်းဒေသကြီးမှ အများဆုံးမှာယူ ရောင်းချလျက်ရှိကြောင်း သိရှိရပါသည်။
ကန့်ဘလူမြို့နယ်တွင် ယခင် ၂၀၂၅ ခုနှစ်၊ ဖေဖော်ဝါရီလ ပထမပတ်တွင် ကြက်သွန်ဖြူဈေးနှုန်း အနေဖြင့် ရှမ်းကြက် သွန်ဖြူ(ခေါ်)ကြူကုတ်အမျိုးအစား တစ်ပိဿာလျှင်ကျပ်(၂၄၀၀၀)၊ (၂၅)ကျပ်သား လျှင်ကျပ်(၆၀၀၀)၊ ဗမာကြက်သွန်ဖြူ အကြီးစ တစ်ပိဿာလျှင်ကျပ်(၂၀၀၀၀)၊ (၂၅)ကျပ်သားလျှင် ကျပ်(၅၀၀၀)၊ အလတ်စ တစ်ပိဿာလျှင်ကျပ်(၁၆၀၀၀)၊ (၂၅)ကျပ်သားလျှင်ကျပ်(၄၀၀၀)နှင့် ဗမာ ကြက်သွန်ဖြူ အသေးစ တစ်ပိဿာလျှင်ကျပ်(၁၄၀၀၀)၊ (၂၅)ကျပ်သားလျှင် ကျပ်(၃၅၀၀)ဈေးနှုန်း အသီးသီး ရောင်းချ လျက်ရှိခဲ့ပြီး ယခု ၂၀၂၅ ခုနှစ်၊ ဖေဖော်ဝါရီလ ဒုတိယပတ်တွင် ကြက်သွန်ဖြူဈေးနှုန်း အနေဖြင့် ဗမာကြက်သွန်ဖြူ အကြီးစ တစ်ပိဿာလျှင် ကျပ်(၁၈၀၀၀) (၂၅)ကျပ်သားလျှင် ကျပ်(၄၅၀၀)၊ အလတ်စ တစ်ပိဿာလျှင် ကျပ်(၁၅၀၀၀)၊ (၂၅)ကျပ်သားလျှင် ကျပ်(၄၀၀၀)နှင့် ဗမာ ကြက်သွန်ဖြူ အသေးစ တစ်ပိဿာလျှင်ကျပ်(၁၃၀၀၀)၊ (၂၅)ကျပ်သားလျှင်ကျပ်(၃၅၀၀)ဈေးနှုန်း အသီးသီး ရောင်းချ လျက်ရှိသောကြောင့် ယခင် ဖေဖော်ဝါရီလ ပထမအပတ်နှင့် နှိုင်းယှဉ်ကြည့်မည်ဆိုပါက ကြက်သွန်ဖြူ ပိဿာအလိုက် ဈေးနှုန်းများအနည်းငယ် ကျဆင်းလျက်ရှိကြောင်းနှင့် ရှမ်းကြက် သွန်ဖြူ(ခေါ်) ကြူကုတ် အမျိုးအစား ကြက်သွန်ဖြူများ ဝယ်ယူမရ၍ပြတ်နေကြောင်း ကန့်ဘလူမြို့ ကြက်သွန်ဖြူ အရောင်းအဝယ်လုပ်နေသူထံမှ သိရှိရပါသည်။
DOCA(စစ်ကိုင်း)