စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်း လမ်းပန်းဆက်သွယ်ရေး အခက်ခဲများကြောင့် ကုန်ဈေးနှုန်းများ အနည်းငယ်မြင့်တက်လျက်ရှိရာမှ အသားငါး ဈေးနှုန်းများထဲမှ တီလားဗီးယားငါးဈေးနှုန်းသည်လည်း မြင့်တက်လျက်ရှိပါသည်။
တီလားဗီးယားငါးများသည် ကန့်ဘလူခရိုင်အတွင်း ထွက်ရှိခြင်းဖြစ်ပြီး ကန့်ဘလူမြို့နယ်၊ ကျွန်းလှ မြို့နယ်တို့မှ ဝယ်ယူရောင်းချရပြီး လမ်းပန်းဆက်သွယ်ရေးအခြေအနေအရ ကျွန်းလှမှဝယ်ယူ၍မရသည့် အတွက် ယခုလက်ရှိ ကန့်ဘလူမြို့နယ် လင်ပန်းဆည်နှင့်သိန်ရင်ဆည်မှ ဖောက်သည်ဝယ်ယူရောင်းချ ကြောင်း တီလားဗီး ယားငါးသည်ထံမှသိရှိရပါသည်။ တီလားဗီးယားငါးသည် စားသောက်ဆိုင်များနှင့် အကင်ဆိုင်များအတွက် မရှိမဖြစ်အသုံးပြုသလို စားသုံးသူပြည်သူများကလည်း ဈေးနှုန်းသင့်တော်ပြီး စားသုံးကြသည့်အတွက် တီလားဗီးယားငါးများ အရောင်းအဝယ်ဖြစ်လျက်ရှိကြောင်း သိရသည်။
ယခု ၂၀၂၅ ခုနှစ်၊ ဖေဖော်ဝါရီလ ဒုတိယပတ်တွင် ကန့်ဘလူမြို့၏ တီလားဗီးယားငါးဈေးနှုန်းများအနေဖြင့် တီလားဗီးယားငါး(အကြီး)တစ်ပိဿာလျှင်(၁၀၀၀၀)ကျပ်၊(၅၀)ကျပ်သားလျှင်(၅၀၀၀)ကျပ် နှင့် (၂၅)ကျပ်သားလျှင်(၂၅၀၀)ကျပ်၊ တီလားဗီးယားငါး (အသေး)တစ်ပိဿာလျှင်(၈၀၀၀)ကျပ်၊ (၅၀)ကျပ် သားလျှင်(၄၀၀၀)ကျပ် နှင့် (၂၅)ကျပ်သားလျှင်(၂၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း တီလားဗီးယားငါးသည်ထံမှ သိရှိရပါသည်။
DOCA(စစ်ကိုင်း)