“ရာသီပေါ်သီးနှံတစ်မျိုးဖြစ်သော မရမ်းသီးများ တောင်ကြီးမြို့၊ အမှတ်(၅)ဈေး၌ အရောင်းအဝယ်များလျက်ရှိ”

မရမ်းသီးသည် ဟင်းလျာအဖြစ်စားလို့ရသလို သရေစာအဖြစ်စားသုံးလို့ရသည့် ကျန်းမာရေး အထောက်အကူပြုသီးနှံတစ်မျိုးဖြစ်ပါသည်။ မရမ်းသီးသည် ကိုယ်တွင်းအပူလောင်ခြင်း၊ သွေးဝမ်း သွားခြင်း၊ ဝမ်းကိုက်ခြင်းနှင့် သွေးကြောင့်ဖြစ်သောရောဂါတို့ကို သက်သာပျောက်ကင်း စေပါသည်။

မရမ်းသီးသည် ယခုလိုရာသီတွင် အသီး/အရွက်ဈေးကွက်၌ ဈေးကောင်းပေးဝယ်စားကြသည့် အိမ်ရှင်မတို့အကြိုက် ဟင်းလျာတစ်မျိုးဖြစ်ပါသည်။ မရမ်းသီးကို မရမ်းသီးသုပ်၊ မရမ်းသီးငါးပိကြော်၊ မရမ်းသီးငါးပိချက်၊ မရမ်းသီးထောင်း၊ အသားငါးအမျိုးမျိုးဖြင့် မျိုးစုံချက်၍ရသလို မရမ်းသီးကို ယိုထိုး၍ သရေစာအဖြစ်လည်း စားသုံးကြပါသည်။ မရမ်းသီးသည် ဈေးကွက်အတွင်းသို့ ဇန်နဝါရီလကုန်မှစ၍ ဝင်ရောက်လာကြပြီး ဖေဖော်ဝါရီလတွင် ဝင်ရောက်မှုများလာ၍ ဈေးနှုန်းမှာလည်း ပေါ်ခါစအချိန်ထက်စာ လျှင် လျော့နည်းလာခဲ့ကာ တောင်ကြီးမြို့၊ အမှတ်(၅)ဈေး၌ မရမ်းသီးတစ်ဆယ်သားလျှင်(၃၀၀၀-၄၀၀၀) ကျပ်အထိ ရောင်းချလျက်ရှိကြောင်း သိရှိရပါသည်။

DOCA(ရှမ်း)