ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ကသစ်ကိုင်းအုပ်စု၊ ကသစ်ကိုင်း ကျေးရွာ တွင် ဇီးသစ်တော်(ခ)လေးပင်ဇီးသီးများစိုက်ပျိုးထားရှိရာ အောင်မြင်ဖြစ်ထွန်းလျှက်ရှိကြောင်း သိရ ပါသည်။ ထိုဇီးသစ်တော်(ခ)လေးပင်ဇီးသီးများကို အောင်လံမြို့နယ် လေးပင်ကျေးရွာမှ ဝယ်ယူ စိုက်ပျိုးကြပါသည်။ ဇီးသီးမျိုးပင်ကို တစ်ပင်လျှင် ၅၀၀၀ကျပ်ဖြင့် အပင်(၁၀၀) စိုက်ပျိုးထား ရှိပါသည်။ ဇီးသစ်တော်(ခ)လေးပင်ဇီးသီးကို တစ်ဧကစိုက်ပျိုးထားရှိပြီး တစ်ဧကလျှင် အပင်ရေ (၁၀၀)ခန့် ဝင်ဆံ့ပြီး ကုန်ကျစရိတ် အနေဖြင့် (၆)သိန်းခန့် ကုန်ကျပါသည်။ ဇီးပင်ကို ၂၀၂၂ ခုနှစ် စက်တင်ဘာလတွင် စတင်စိုက်ပျိုးပြီး ၂၀၂၃ ခုနှစ်တွင် စတင်အသီးသီးပြီး၊ ၂၀၂၄ ခုနှစ်တွင် စတင်ရောင်းချနေပြီဖြစ်ပါသည်။ ၂၀၂၄ ခုနှစ်တွင် ဇီးသီးများခူးယူရောင်းချချိန်တွင် တစ်ပင်လျှင် နိုဆီဘူး(၂)ဘူးရရှိပြီး (၃)ရက်လျှင် တစ်ကြိမ်ခူးဆွတ်ရပါသည်။ ဇီးသီးကို ဇန်နဝါရီလနှင့် ဖေဖော်ဝါရီ လ(၂)လသာ ခူးဆွတ်ရပြီး တစ်ပြည်ကို ၆၀၀၀ကျပ်ဖြင့်ရောင်းချရ၍ အကျိုးအမြတ်အနေဖြင့် သိန်း(၃၀)ခန့်ရရှိကြောင် သိရပါသည်။
၂၀၂၅ ခုနှစ်တွင် ဇီးသီးထွက်ရှိမှုမှာ တစ်ပင်လျှင် နိုဆီဘူး(၄)ဘူးခန့်ခူးယူရရှိပြီး (၃)ရက်လျှင် တစ်ကြိမ်ဖြင့် (၂)လခန့်ခူးဆွတ်ရောင်းချရပါသည်။ ဈေးနှုန်းအနေဖြင့် တစ်ပြည်လျှင် ၇၀၀၀ကျပ် ဖြင့်ရောင်းချရသဖြင့် အကျိုးအမြတ်မှာ သိန်း(၇၀)ခန့် ရရှိနိုင်မည်ဟု ခန့်မှန်းသိရှိရပါသည်။ ဈေးကွက်အနေဖြင့် ရွှေတောင်မြို့ပေါ်ရှိ ဖောက်သည်များနှင့် ရန်ကုန်၊ မန္တလေးမြို့ကြီးများသို့ တင်ပို့ရောင်းချကြောင်း သိရပါသည်။
ထို့ကြောင့် ဇီးသစ်တော်(ခ) လေးပင်ဇီးသီးကို နေရာဒေသမရွေးစိုက်ပျိုးနိုင်ပါက မိမိတို့ဒေသ အတွင်း စားသုံးနိုင်မည့်အပြင် စီးပွားဖြစ်လည်းစိုက်ပျိုးကြ၍ နှစ်စဉ်ဝင်ငွေများလည်း ရရှိနိုင် မည်ဖြစ်ပါသဖြင့် ထပ်မံတိုးချဲ့၍စိုက်ပျိုးသင့်ပါကြောင်း ရေးသားလိုက်ရပါသည်။
DOCA(ပဲခူး)