မန္တလေးတိုင်းဒေသကြီး၊ ကျောက်ဆည်ခရိုင်၊ ဟန်မြင့်မိုရ်နှင့် သံရွာတို့တွင် အစေ့ဖြင့်စိုက်ပျိုး ထွက်ရှိသော သပြေငုတ်ပန်းအပင်များမှာတစ်ခက်လျှင်(၅၀၀)ကျပ်ဖြင့် မန္တလေးမြို့၊ ပြည်ကြီး တံခွန်မြို့နယ်၊ အေးမေတ္တာဈေးအတွင်းရောင်းချလျက်ရှိပြီးဘုရားပန်း ဈေးကွက်တွင်အရောင်း အဝယ်ဖြစ်ထွန်းလျက်ရှိပါသည်။ သပြေငုတ်ပန်းများသည် ကြာရှည်ခံလှပလန်းဆန်းခြင်း၊ အခြား ပန်းများထက်ရာသီဥတုဒဏ်ခံနိုင်ခြင်း၊ ဈေးသက်သာခြင်းတို့ကြောင့် ဘုရားပန်းကပ်လှူရာတွင် အိမ်ရှင်မတို့အကြိုက်ဘုရားပန်းဖြစ်နေကြောင်း ပန်းရောင်းချသူများထံမှ သိရှိရပြီး အနည်းဆုံး တစ်နေ့လျှင် ၇၀၀၀၀ ကျပ်ခန့်ထိရောင်း ချရကြောင်းသိရှိရပါသည်။
DOCA(မန္တလေး)