“တစ်လပဲ(ခ)ပဲထောင့်ရှည်စိုက်ပျိုးခြင်းနှင့်စျေးနှုန်းစျေးကွက်”

          မန္တလေးတိုင်းဒေသကြီး၊ကျောက်ဆည်မြို့နယ်တွင် စပါး ၊ပဲမျိုးစုံ နှင့်ဆီထွက်သီးနှံများ စိုက်ပျိုး သည့်အပြင်စားဖိုဆောင်သီးနှံများကိုလည်းရာသီအလိုက်မိသားစုအပိုဝင်ငွေရရှိအောင် စိုက်ပျိုးကြပါ သည်။၄င်းသီးနှံများအနက် တိုင်ထောင် တစ်လပဲတောင့်ရှည်များကို တစ်နိုင်တစ်ပိုင်စိုက်ပျိုးလာကြပါ သည်။ပဲတောင့်ရှည်စိုက်ပျိုးရာတွင် မျိုးအနေဖြင့် အစိမ်းနု၊အစိမ်းရင့်၊ကတ္တီပါအနီရောင်မျိုးများကို အများဆုံးစိုက်ပျိုးကြောင်း(အန်ဒီ ၃၁၃)တံဆိပ်မျိုးတစ်ထုပ်လျှင်(၆၀၀၀/-)ကျပ်ပေးဝယ်ရကြောင်း၊ (၁)ဧကကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း(၃၀၀၀၀၀/-)ကျပ်ခန့် ကုန်ကျကြောင်း၊အထွက်နှုန်းအနေဖြင့် မြေအမျိုးအစားပေါ်မူတည်ပြီး (၁)ဧကလျှင်ပိဿာ(၃၅၀-၄၀၀) အထိထွက်ရှိကြောင်း၊ဖောက်သည်စျေးအနေဖြင့် (၁)ပိဿာလျှင်(၁၅၀၀/-)ကျပ်၊လက်လီစျေးအနေဖြင့် (၁)ပိဿာလျှင်(၂၀၀၀/-)ကျပ်ဖြင့်အရောင်းအဝယ်ဖြစ်နေကြောင်း ၊ ပဲတောင့်ရှည်သီးနှံကို ပွဲစားများမှ စိုက်ခင်းအထိလာရောက်ဝယ်ယူကြကြောင်း၊မြို့ပေါ်စျေးများသို့လည်း ကိုယ်တိုင်သွားရောက်၍ရောင်း ကြကြောင်း၊အကျိုးအမြတ်အနေဖြင့် စိုက်ပျိုးစရိတ်နှုတ်ပြီး(၂၂၅၀၀၀/-)ကျပ်ခန့်မြတ်ကြောင်း၊စျေးနှုန်း ကောင်းမွန်သောကြောင့် တောင်သူများတွက်ချေကိုင်ကြောင်း၊စိုက်ပျိုးစရိတ်သက်သာပြီး မိသားစု အပိုဝင်ငွေလည်းရရှိကြောင်း၊ပဲတောင့်ရှည်စိုက်ပျိုးသော ကြက်ဆင်ကျေးရွာမှ တောင်သူတစ်ဦး၏ ပြောကြားချက်အရသိရှိရပါသည်။

DOCA(မန္တလေး)