ကျောက်ဆည်ခရိုင်၊စဉ့်ကိုင်မြို့နယ်သည် စိုက်ပျိုးရေးကို အဓိကလုပ်ကိုင်ပြီး စပါး၊ပဲမျိုးစုံနှင့် ဆီထွက်သီးနှံမျိုးစုံကိုလည်း ရာသီအလိုက်စိုက်ပျိုးကြကြောင်းသိရသည်။ဇီးပင်စိုက်ပျိုးရာတွင် နှစ်စဉ် ဇွန်လတွင်စတင်စိုက်ပျိုးကြပြီးစိုက်ပျိုးပြီး(၃)နှစ်ခန့်အကြာတွင်ဇီးသီးများကိုစတင်ခူးဆွတ်ရကြောင်း၊ (၁)ဧက ကုန်ကျစရိတ်အနေဖြင့် မျိုး၊သွင်းအားစု၊ထွန်ယက်ခ၊လုပ်သားခအပါ စုစုပေါင်း(၂၅-၃၀)သိန်း ဝန်းကျင်ခန့်ကုန်ကျကြောင်း ၊ ထိုင်ဝမ်ဇီးသီးများ နိုဝင်ဘာလတွင် စတင်ထွက်ပေါ်ပြီး ဇန်နဝါရီနှင့် ဖေဖော်ဝါရီလများတွင် လှိုင်လှိုင်ထွက်ပေါ်လျှက်ရှိပြီး ယခုလှိုင်လှိုင်ထွက်ပေါ်ချိန်တွင် တစ်ပတ် ခူးဆွတ်မှုအနေဖြင့် အပင်သီးနှုန်းပေါ်မူတည်ပြီး (၃၅-၄၅)ဖာဝန်းကျင်ခန့်ထွက်ရှိကြောင်း၊ ပေါ်ဦးပေါ်စ အချိန်တွင် အရောင်းသွက်၍ စျေးကောင်းများရရှိပြီး ယခုလှိုင်လှိုင်ထွက်ပေါ်ချိန်တွင်လည်း စျေးနှုန်း ကျဆင်းခြင်းမရှိဘဲ တောင်သူများစျေးကောင်းရရှိပြီး ဇီးသီး(၁၀)ပြည်ပါ တစ်ဖာလျှင် လက်ကားစျေး (၂၀၀၀၀/-)ကျပ်စျေးရှိပြီးလက်လီစျေးနှုန်းအနေဖြင့်(၁)ပြည်လျှင် အလုံးအကြီး၊အသေးပေါ်မူတည်ပြီး (၂၅၀၀-၃၀၀၀)ကျပ်စျေးနှုန်းများဖြင့်ရောင်းချ လျှက်ရှိကြောင်း၊ယခုနှစ်တွင် ရာသီပေါ် ထိုင်ဝမ် ဇီးသီး များပြည်ပသို့ တင်ပို့နိုင်ခြင်းမရှိသော်လည်း ပြည်တွင်းစျေးကွက်တွင် အရောင်းအဝယ်သွက်၍ စျေးကောင်းများရရှိနေကြောင်းသိရသည်။ အကျိုးအမြတ်အနေဖြင့် (၁)ဧကလျှင် (၅၀)သိန်းဝန်းကျင် ခန့်ရရှိကြောင်းကို တအုံကျေးရွာမှ ဇီးသီးစိုက်တောင်သူတစ်ဦး၏ ပြောကြားချက်အရသိရှိရသည်။
DOCA(မန္တလေး)