ရှမ်းပြည်နယ် (တောင်ပိုင်း) အောင်ပန်းဒေသတွင် ယခုတစ်ပတ်ပြောင်းသီးနှံမှာ တစ်ပိဿာ လျှင်(၁၄၇၀-၁၄၉၀)ကျပ်ဖြင့် ဈေးတည်ငြိမ်လျက်ရှိပြီး ပြည်ပဝယ်လိုအားများနေသည့်အတွက် စီး ဆင်းမှုမှာ ကောင်းနေပါသည်။ကြက်သွန်ဖြူသီးနှံမှာ တစ်ပိဿာလျှင် ထူး ၁-၁၀၀၀၀ကျပ်၊ ထူး ၂-၁၁၀၀၀ကျပ်၊ ထူး ၃-၁၂၀၀၀ကျပ်၊ ထူး ၄-၁၃၀၀၀ကျပ်၊ ထူး ၅-၁၄၀၀၀ကျပ်၊ ထူးလွန်-၁၅၀၀၀ ကျပ် နှင့် ဥတစ်လုံးဆိုဒ်မှာ၂၅၀၀၀ကျပ်ဖြင့် ဈေးငြိမ်လျက်ရှိပြီး အသစ်ပေါ်ချိန်စောင့်ဆိုင်းနေကြ၍ ဝယ်လက်နည်းကာ စီးဆင်းမှုမှာ ပုံမှန်ဖြစ်နေပါသည်။
အာလူးသီးနှံမှာ မားကစ် S2/S1-၆၀၀၀ကျပ်၊ မျက်နီ S2/S1-၄၅၀၀ကျပ်၊ အိုကေ-၄၀၀၀ ကျပ်၊ အေဝမ်း-၃၅၀၀ကျပ်၊ ဆွဲသီး-၃၀၀၀ကျပ် နှင့် ဂေါ်လီဆိုဒ်မှာ ဈေးကွက်အဝင်မရှိဘဲ အရည် အသွေးကောင်းသော အာလူးအသစ်များဈေးကွက်အဝင်လှိုင်နေသဖြင့် စီးဆင်းမှုမှာ ကောင်းနေပါ သည်။
ချင်းသီးနှံမှာ မြေနီချင်းမအခက်ကြီးတစ်ပိဿာလျှင် (၃၀၀၀)ကျပ် နှင့် ချင်းအခက်အလတ် မှာ၂၅၀၀ကျပ်ဖြင့်ပြည်ပဝယ်လိုအားမရှိသောကြောင့်ဈေးတည်ငြိမ်လျက်ရှိပြီး ပြည်တွင်း ဈေးကွက် သုံးသာ စီးဆင်းနေပါသည်။
ကုန်စိမ်းသီးနှံများတွင် ဂေါ်ဖီ (၁၀၀၀-၁၅၀၀)ကျပ်၊ ပန်းမုံလာ (၁၀၀၀-၁၅၀၀)ကျပ်၊ ရွှေပဲ (၄၀၀၀-၅၀၀၀)ကျပ်၊ မုန်ညှင်း (၈၀၀-၁၀၀၀)ကျပ်၊ ဖရုံသီး (၁၃၀၀-၁၅၀၀)ကျပ်၊ ခရမ်းသီး (၂၅၀၀- ၃၀၀၀)ကျပ်၊ ခရမ်းချဉ်သီး (၇၀၀-၁၀၀၀)ကျပ်၊ ငရုတ်ပွ (၅၀၀၀-၅၅၀၀)ကျပ်၊ မုန်လာဥနီ (၂၅၀၀-၃၀၀၀)ကျပ် နှင့် ဘိုစား (၄၅၀၀-၄၈၀၀)ကျပ် ဈေးအသီးသီးရှိနေကြပြီး ခရမ်းချဉ်သီး၊ ဂေါ်ဖီ နှင့် ရွှေပဲသီးနှံတို့မှာ ဈေးကွက်အဝင်များကာဈေးကျဆင်းသွားပြီး ကျန်ကုန်စိမ်းသီးနှံများမှာ ဈေးနှုန်းထူး ခြားစွာ ပြောင်းလဲမှုမရှိဘဲ ယခုချိန်တွင် သီးနှံအများစုမှာဒေသစုံမှ လှိုင်လှိုင်ထွက်ပေါ်ချိန် ဖြစ်၍ နယ်စုံစီးဆင်းမှုမရှိသဖြင့်သီးနှံအဝင်နှင့်အထွက်မှာမျှတမှုမရှိသောကြောင့်ဈေးဆက်အေးနေ ဦးမည် ဖြစ်ပြီး စီးဆင်းမှုမှာ ယခင်အပတ်အောက်လျော့နည်းသွားကြောင်း လေ့လာသိရှိရပါသည်။
DOCA(ရှမ်း)