မြင်းခြံခရိုင်၏ ၂၀၂၄-၂၀၂၅ ခုနှစ်၊ ပဲစဉ်းငုံစိုက်ဧကများအနေဖြင့် မြင်းခြံမြို့နယ်တွင် (၅၈၉၃) ဧက၊ တောင်သာမြို့နယ်တွင် (၁၈၉၃၁)ဧက၊ နွားထိုးကြီးမြို့နယ်တွင် (၇၉၂၆၁)ဧက စိုက်ပျိုးခဲ့ပြီး ခရိုင်ချုပ်စုစုပေါင်း(၁၀၄၀၈၅)ဧက စိုက်ပျိုးနိုင်ခဲ့ကြောင်း၊ မေလနှင့်ဇွန်လတို့တွင် စတင် စိုက်ပျိုးခဲ့သော ပဲစဉ်းငုံသီးနှံများမှာ သက်တမ်းအနုအရင့်အလိုက် ဇန်နဝါရီလအတွင်း ရာနှုန်းပြည့် ရိတ်သိမ်းခဲ့ပြီးဖြစ်ကြောင်း၊ ယခင်နှစ် ၂၀၂၃-၂၀၂၄ ခုနှစ် စိုက်ဧကများနှင့်နှိုင်းယှဉ်ပါက မြင်းခြံ မြို့နယ်တွင် (၂၆၅)ဧက လျော့နည်း၍လည်းကောင်း၊ တောင်သာမြို့နယ်တွင် (၅၈၀)ဧကပိုမို၍ လည်းကောင်း၊ နွားထိုးကြီးမြို့နယ်တွင် (၂၁၆၀)ဧကပိုမို၍လည်းကောင်းစိုက်ပျိုးခဲ့ပြီး ခရိုင်ချုပ်အနေ ဖြင့် (၂၄၇၅)ဧက ပိုမိုစိုက်ပျိုး ရိတ်သိမ်းနိုင်ခဲ့ကြောင်း သိရှိရသည်။
တစ်ဧကအထွက်နှုန်းများအနေဖြင့် မြင်းခြံမြို့နယ်တွင်(၉.၆၀)တင်း၊ တောင်သာမြို့နယ် တွင် (၁၀.၅၈)တင်း၊ နွားထိုးကြီးမြို့နယ်တွင်(၈.၃၁)တင်းနှုန်းတို့ဖြင့် ထွက်ရှိခဲ့ပြီး စုစုပေါင်းအထွက် တင်းပေါင်း(၉၁၅၅၂၂)တင်း ထွက်ရှိခဲ့ကြောင်းသိရှိရသည်။ ယခုအပတ်အတွင်း မြင်းခြံကုန်စည်ဒိုင် တွင် ပဲစဉ်းငုံသီးနှံကို တစ်ပိဿာလျှင် အနိမ့်ဆုံးဈေး (၄၅၁၅)ကျပ်၊ အမြင့်ဆုံးဈေး(၄၆၃၀)ကျပ် နှုန်းတို့ဖြင့် နေ့စဉ်ပျမ်းမျှအိတ်ရေ(၄၃၀)ဝန်းကျင်တွင် အရောင်းအဝယ်ဖြစ်လျက်ရှိကြောင်း သိရှိ ရသည်။
DOCA(မန္တလေး)