ပြည်မြို့မှထွက်ရှိသော အောင်သပြေတုံးများသည် ပြည်မြို့ပေါ်ရှိနေထိုင်သော လူများ သာမက ရပ်ဝေး ရပ်နီးတွင်နေထိုင်ကြသော လူများကပါ တကူးတက မှာယူကပ်လှူကြသော ဘုရာပန်းဖြစ်ပါသည်။ သို့သော်ယခုလို အောင်သပြေတုံးများ အထွက်နည်းသောအချိန်တွင် ပြည်မြို့ရှိ ပန်းဈေးကွက်ထဲသို့ရောက်လာသည်မှာ ရက်(၁၀၀) ပြေပန်းဖြစ်ပါသည်။ ပြည်မြို့မှထွက်ရှိသော အောင်သပြေတုံးမှာ အငုတ်မှအညွှန့်များ ဖြာထွက်နေပြီး ရေလဲပေးပါက အညွန့်အသစ်များ ထပ်မံထွက်ပေါ်လာကာ (၁)လခန့် အထားခံပါသည်။ ယခုအခါဈေးကွက်တွင် ရောင်းချနေသော ရက်(၁၀၀)သပြေမှာ ကိုင်းမှအရွက်များထွက်နေပြီး ပုံမှန် ရေလဲပေးပါက အရွက်များ အစိမ်းနုရောင်မှ အစိမ်းရင့်ရောင်ပြောင်းကာ အရွက်များကြွေခြင်းမရှိပဲ အနည်းဆုံး ၆လမှ ၈လခန့် အထားခံပါသည်။ ရက်(၁၀၀)သပြေကို ကိုင်းကြီး၊ ကိုင်းလတ်၊ ကိုင်းသေးအစည်းဟူ၍ သုံးမျိုးရောင်းချကြောင်း သိရပါသည်။ ရောင်းဈေးမှာ သပြေကိုင်းကြီး တခက်လျှင် ၂၀၀၀ကျပ်၊ ကိုင်းလတ်တစ်ခက်လျှင် ၁၀၀၀ကျပ်နှင့် ကိုင်းသေး(၅)ခက်ပါ တစ်စည်း လျှင် ၁၂၀၀ကျပ်ဖြင့်ရောင်းချကြပါသည်။ ကိုင်းကြီးမှာ ပိုမို၍ကြာရှည်စွာ အထားခံကြောင်း သိရပါ သည်။ ယခင်က ရက်(၁၀၀) သပြေကို ရန်ကုန်မြို့သို့ရောက်ရှိမှသာ ဝယ်ယူရရှိ ပေမယ့်ယခုအခါတွင် ပြည်ဈေးကွက်၌ လိုသလိုဝယ်ယူ မှုရှိသောကြောင့် ဘုရားကျောင်းဆောင်များတွင် စိမ်းစိမ်းစိုစိုနှင့် ကျက်သရေရှိလှပါသည်။ သပြေတုံးများမှာ မိုးများသောကြောင့် သပြေတုံးများအဝင်နည်းနေချိန်တွင် ရက်(၁၀၀)သပြေများ ဈေးကွက်တွင် ဦးမော့လျက်ရှိပါသည်။
DOCA(ပဲခူး)