မြင်းခြံမြို့နယ်အနေဖြင့် ပဲပုပ်ကို မြစ်ရေဝင်အရပ် (ကျွန်းအရပ်)များတွင် အများဆုံးစိုက်ပျိုး ကြသည်။ ပဲပုပ်သီးနှံသည် ကုန်ကျစရိတ်အားဖြင့် တစ်ဧက ၅၀၀၀၀၀/- ကျပ်နှင့် ၆၀၀၀၀၀/- ကျပ် အကြားတွင် ကုန်ကျစရိတ်ရှိကြောင်းသိရသည်။ မိုးလေမှန်ကန်ပါက တစ်ဧကလျှင် တင်း ၁၅ (ပိဿာ ၃၀၀) ခန့်ထွက်ရှိသည့်အတွက် တစ်ပိဿာ ထုတ်လုပ်မှုစရိတ် ၁၆၅၀/-ကျပ်နှင့် ၂၀၀၀/- ကျပ် သာကုန်ကျစရိတ်ရှိပြီး စိုက်ပျိုးစရိတ်သက်သာသော သီးနှံတစ်ခုပင်ဖြစ်တယ်လို့ တလုပ် ကျေးရွာ ပဲပုပ်စိုက်ပျိုးသူတစ်ဦးထံမှသိရသည်။ ယနေ့ဆိုလျှင် မြင်းခြံဈေးကွက်အတွင်းသို့ ပဲပုပ်စေ့ များ ဝင်ရောက်ရောင်းဝယ်နေသည်မှာ တစ်ပတ်ခန့်ပင်ရှိသွားပြီဟု သိရသည်။ ကုန်ချိန်အဝင် အားဖြင့် အိတ်ရေ ၃၅၀ နှင့် ၄၀၀ အကြား (ပိဿာ ၁၀၅၀၀ နှင့် ၁၂၀၀၀ ) အဝင်ရှိပြီး တစ်ပိဿာ ၅၇၆၀/- ကျပ် ဈေးရှိကြောင်း တလုပ် ၊ ဆင်ချောင်း ၊ နယ်ကြား ၊ လင့်ကြီး ၊ ဒါးကျွန်းနှင့် တစ်ခါတစ်ရံ မြစ်တစ်ဘက်ကမ်း လှေကုတ်၊ ရေရှား ၊ နေရင်း နှင့်ပေါက်တောကျေးရွာများမှလည်း လာရောက် ရောင်းချကြောင်းသိရသည်။ ဈေးကွက်စီးဆင်းမှုအနေဖြင့် လတ်တလော မြို့ပေါ်ဝယ်လက် လက်လီ သမားအဝယ်နှင့် ပဲပုပ်ပြား (ပဲငပိ) လုပ်ငန်းရှင်များ အဝယ်ရှိပြီး နယ်ဈေးကွက်ကိုတော့ တင်ပို့နိုင် ခြင်းမရှိသေးကြောင်းသိရသည်။ ပဲပုပ်သီးနှံသည် ပိုးဖောက်အလေအလွင့်မရှိ အရည်အသွေး မကျ သည့်အတွက် ထိန်သိမ်းသိုလှောင်မည်ဆိုက သင့်လျော်မှုရှိကြောင်း မနှစ်ရာသီ ပဲပုပ်ရာသီကုန် အပိတ်ဈေးသည် တစ်ပိဿာ ၉၀၀၀/- ကျပ်ထိရှိခဲ့သည့်အတွက် လက်ရှိဖြစ်ပေါ်နေသောဈေးထက် ဈေးတက်ဖွယ်ရှိကြောင်း ကုန်သည်လုပ်ငန်းရှင်တစ်ဦး၏ ပြောကြားမှုအရသိရသည်။
DOCA(မန္တလေး)