မြင်းခြံမြို့နယ်အတွင်းရှိ ကျေးလက်နေပြည်သူများနှင့် တောင်သူများသည် မိမိတို့ အိမ်ခြံဝန်းအတွင်းသော်လည်းကောင်း၊ ယာမြေများ၌ အဓိကစိုက်ပျိုးသည့်ရာသီ သီးနှံအပြင် မြေနေရာလွတ်များတွင်ဖြစ်စေ၊ လယ်ယာမြေကန်သင်ရိုးများတွင်ဖြစ်စေ အပိုဝင်ငွေရရှိနိုင်သည့် သီးပင်စားပင်များကိုလည်းစိုက်ပျိုးကြရာ စားဖိုဆောင်သီးနှံဖြစ်သော ပဲသီးတောင့်ရှည်ကိုလည်း တိုင်ထောင်၍ အများအပြားစိုက်ပျိုးကြကြောင်း သိရသည်။ တိုင်ထောင်၍ စိုက်ပျိုးရသော ပဲသီး တောင့်ရှည်မှာ ဆောင်းရာသီဖြစ်သော ဇန္နဝါရီလတွင် စတင်ခူးဆွတ်ရောင်းချရကြောင်း ၊ မြင်းခြံမြို့ ပေါ်ရှိ မြို့မစည်ပင်သာယာဈေး၊ အေးမြသီတာဈေးနှင့်စံပြဈေးတို့တွင် စိုက်ပျိုးသူများမှ ကိုယ်တိုင် ဖြစ်စေ ဖောက်သည်ပေး၍ဖြစ်စေ နှစ်စဉ်စိုက်ပျိုးရောင်းချကြကြောင်း သိရသည်။
ပဲသီးတောင့်ရှည်မှာ အတို့အမြှုပ်အဖြစ်လည်းကောင်း၊ ကြော်စားချက်စား၍သော်လည်း ကောင်း၊ သုပ်စား၍သော်လည်းကောင်း အမျိုးမျိုးပြုလုပ်စားသုံးကြပြီး လူအများကြိုက်နှစ်သက် သော သီးနှံတစ်မျိုးဖြစ်ပါသည်။ နံနက်ခင်းအစောပိုင်းတွင် ကျေးရွာသူကျေးရွာသားများက ဆိုင်ကယ်များဖြင့် တနိုင်တပိုင်တင်ကာ မြင်းခြံမြို့ပေါ်ရှိ ဈေးများသို့လာရောက်ပို့ဆောင်ရောင်းချ ကြောင်း ၊ ဇန္နဝါရီလတွင် ပဲသီးတောင့်ရှည်ဈေးနှုန်းမှာ တစ်ပိဿာလျှင် ( ၄၀၀၀) ကျပ်ဈေး ဖြစ်ပြီး၊ ယခု ဖေဖော်ဝါရီလဒုတိယပတ်တွင် ပဲသီးတောင့်ရှည် တစ်ပိဿာလျှင် ( ၃၀၀၀) ကျပ်ဈေး ဖြစ်ပြီး ဖြိုင်ဖြိုင်ပေါ်လာပြီဖြစ်သောကြောင့် ဈေးအနည်းငယ်ကျသွားခြင်းဖြစ်ပါကြောင်း သိရသည်။
DOCA(မန္တလေး)