ကန့်ဘလူမြို့ရှိ မြို့မစည်ပင်သာယာဈေးတွင် ဘုရားပန်း အမျိုးမျိုးဖြစ်သော ဂန္ဓာမာပန်း၊ သစ္စာပန်း၊ စိန်လည်တုံ၊ နှင်းဆီ၊ မေမြို့ပန်း(အက်စတာ)၊ မြေမြို့ပန်း (ကြက်လည်ဆံ) သပြေပန်း(အောင်သပြေ)အငုတ်၊ အောင်သပြေ အခက်များနှင့် အာစီယံသပြေ တို့ကို မိမိတို့ ဒေသထွက်နှင့် မန္တလေးမြို့၊ ပြင်ဦးလွင်မြို့တို့မှ မှာယူရောင်းချကြောင်းသိရှိရပါသည်။
နှင်းဆီပန်းတွင် အနီ၊ အဖြူ၊ အဝါ၊ ပန်းရောင်၊ လိမ္မော်ရောင် စသည်အရောင်များရှိသည့်အနက် အဝါရောင်နှင်းဆီပန်းသည် နွေးထွေးမှုနှင့် ပျော်ရွှင်မှုအတွက် ချစ်ကြည်ရေးပန်းအဖြစ် သူငယ်ချင်း လုပ်ဖော်ကိုင်ဖက်အချင်းချင်း လက်ဆောင် ပေးလေ့ရှိကြပါသည်။ နှင်းဆီအဖြူသည် သန့်ရှင်းမှုနှင့် ကျေးဇူးတရားသိတတ်မှုကို ပုံဖော်စေပြီး ထာဝရသစ္စာစောင့်သိခြင်း အဓိပ္ပါယ်ရှိသောကြောင့် မင်္ဂလာပွဲ များတွင် အလှဆင်ခြင်းနှင့် ဆရာသမားများကို ကန်တော့ရာတွင် အသုံးပြုကြပါသည်။
၂၀၂၅ ခုနှစ်၊ ယခု ဖေဖော်ဝါရီလ(တတိယပတ်)တွင် နှင်းဆီပန်း ဈေးနှုန်းဖြင့် နှင်းဆီပန်း အပွင့်ကြီး တစ်ပွင့်လျှင်(၇၀၀)ကျပ်၊ နှင်းဆီပန်း အပွင့်(အလတ်)တစ်ပွင့်လျှင်(၅၀၀)ကျပ် နှင်းဆီပန်း အပွင့် (အသေး)တစ်ပွင့်လျှင်(၄၀၀)ကျပ် တို့ဖြင့် ရောင်းချလျက်ရှိကြောင်း သိရှိရပါသည်။
DOCA(စစ်ကိုင်း)