“အောင်ချမ်းသာ” ဒိန်ချဉ်လုပ်ငန်းရှင်အား ကုန်အညွှန်းအမှတ်အသားနှင့် ပတ်သက်၍ တွေ့ဆုံဆွေးနွေးခြင်း

          စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူပြည်သူများအား ကုန်စည်၊ ဝန်ဆောင်မှုနှင့်ပတ်သက်၍ ဘေးအန္တရာယ်ကင်းရှင်းစေရန်၊ လုံခြုံစိတ်ချရမှုရှိစေရန်အတွက် လုပ်ငန်းရှင်များအား မိမိတို့ထုတ်လုပ်သော ကုန်စည်များ၏ ကုန်အညွှန်း အမှတ်အသားနှင့်ပတ်သက်၍ ပြည့်စုံမှန်ကန်မှုရှိစေရေး အစဉ်တွန်းအားပေး ဆောင်ရွက်လျှက် ရှိပါသည်။

        ထိုသို့ တွန်းအားပေးဆောင်ရွက်မှုကြောင့် (၆.၆.၂၀၂၂)ရက်နေ့၊ နံနက် (၁၁:၀၀) အချိန်တွင်  မုံရွာခရိုင်ဦးစီးမှူးရုံးသို့ ချောင်းဦးမြို့နယ်၊ အောင်ချမ်းသာကျေးရွာရှိ “အောင်ချမ်းသာ” ဒိန်ချဉ် ထုတ်လုပ်ဖြန့်ဖြူးရောင်းချသူ လုပ်ငန်းရှင်မှ စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် ကုန်အညွှန်းအမှတ်အသားနှင့် ပတ်သက်၍ ပြည့်စုံမှန်ကန်မှုရှိစေရေး လာရောက်မေးမြန်းခဲ့ပြီး ဌာနမှလည်း လိုအပ်သည်များ၊ မိမိတို့တံဆိပ်တွင် ထည့်သွင်းရမည့်အချက်များကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)