တောင်ငူမြို့ ညောင်ပင်စျေးရှိ အရပ်ဒေသအသီးသီးမှ ဒေသထွက်ကုန်များ၊ သစ်သီးဝလံများ လာရောက်ရောင်းချလျက်ရှိရာ မန္တလေးတိုင်းဒေသကြီးဘက်မှ ဖရဲသခွားမွှေးများလည်း လူကြိုက်များ၍ ရောင်းအားကောင်းပါသည်။
ဖရဲသခွားမွှေးသည် မြန်မာနိုင်ငံတွင် ရှမ်းပြည်နယ်တောင်ပိုင်းနှင့် မန္တလေးတိုင်းဒေသကြီး ပြင်ဦးလွင်မြို့နယ်များတွင် အများဆုံး စိုက်ပျိုးကြသည်ဟု သိရှိရပါသည်။ ဖရဲသခွားမွှေးကို သားရည်စာ အဖြစ်လည်းကောင်း၊ ဖျော်ရည်အဖြစ်လည်းကောင်း အများဆုံး စားသုံးကြပါသည်။
ဖရဲသခွားမွှေး အသီးပုံသဏ္ဍာန်မှာ အလုံးပုံ၊ ဘဲဥပုံ၊ လုံးရှည်ပုံဟူ၍ အမျိုးမျိုးတွေ့ရပြီး အသီးခွံအ ရောင်မှာ အစိမ်းအနု၊ အရင့်၊ အဖြူရောင်၊ အဝါရောင်၊ ဆင်စွယ်ရောင်စသည်ဖြင့်တွေ့ရပါသည်။ အတွင်း သား အရောင်မှာ အဖြူရောင်၊ ဖြူစိမ်းရောင်၊ ဆင်စွယ်ရောင်၊ လိမ္မော်နီရောင်၊ အစိမ်းရောင်ဟု အမျိုးမျိုး ကွဲပြားလျက်ရှိပါသည်။
ဖရဲသခွားမွှေးစျေးနှုန်းများအနေဖြင့် အလုံးပုံ အသီးမှာ ၃၀၀၀ ကျပ်၊ ဘဲဥပုံ အသီးမှာ ၄၀၀၀ ကျပ် နှင့် လုံးရှည်ပုံ အသီးမှာ ၅၀၀၀ ကျပ်စသည့်ဖြင့် အလုံးအကြီးအသေးပေါ် မူတည်၍ ရောင်းချပြီး လူကြီး လူငယ်မရွေး ကြိုက်နှစ်သက်သည့်သဖြင့် ရောင်းအားကောင်းကြောင်း ညောင်ပင်ဈေးရှိ သစ်သီးဆိုင်များ မှ သိရပါသည်။
DOCA(ပဲခူး)