မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၏ လမ်းညွှန်ချက်ဖြင့် စားအုန်းဆီ များသက်သာသောဈေးနှုန်းဖြင့် စားသုံးသူပြည်သူများ အဆင်ပြေချောမွေ့စွာ ဝယ်ယူစားသုံးနိုင်ရန် အတွက် နေပြည်တော်ဆီကုန်သည်နှင့် ဆီလုပ်ငန်းရှင်များအသင်းနှင့် စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဝန်ထမ်းများပူးပေါင်း၍ ကျေးရွာများ၊ ရပ်ကွက်များ၊ ဝန်ထမ်းအိမ်ယာများ၊ ဌာနဆိုင်ရာဝန်ထမ်းများသို့ အထူးဈေးနှုန်းဖြင့် စားသုံးသူများလက်ဝယ်အရောက် ဈေးကားဖြင့် ရောင်းချပေးလျက်ရှိနေပါတယ်။
“၃၀-၇-၂၀၂၂ ရက်နေ့မှာတော့ ဆီလုပ်ငန်းရှင် ဦးကိုလေးနှင့် စားသုံးသူရေးရာဦးစီးဌာနမှ ဒေါ်စောမာလာနွယ်တို့ဦးဆောင်၍ ပျဉ်းမနားမြို့နယ်၊ ကျီးအင်းကျေးရွာတွင် ဆီပိဿာချိန် (၅၅၀)ကို လည်းကောင်း၊ ညောင်ပင်သာကျေးရွာတွင် ဆီပိဿာချိန်(၄၄၀)အား ဆီလုပ်ငန်းရှင်ဒေါ်ခင်နွယ်အေး မှ ဈေးကားတစ်စီးစီဖြင့် လှည့်လည်ရောင်းချပေးခဲ့ကြောင်း၊ တပ်ကုန်းမြို့နယ် အေးချမ်းသာစံပြ ကျေးရွာတွင် ဆီလုပ်ငန်းရှင် ဒေါ်ဖြိုးဖြိုးထိုက်မှ ဆီပိဿာချိန် (၄၄၀)ကိုလည်းကောင်း၊ မရိုးကုန်း ရွာနှင့် ထုံးဖိုရွာတို့တွင် ဆီလုပ်ငန်းရှင် ဦးမျိုးမင်းမှ ဆီပိဿာချိန် (၃၃၀)ကိုလည်းကောင်း၊ ကျွဲလည်ပင်းရွာ၊ ကျောက်စရစ်ရွာနှင့် ဆူးတက်ရွာတို့တွင် ဆီလုပ်ငန်းရှင် ဦးဇော်ဇော်လတ်မှ ဆီပိဿာချိန် (၃၃၀)ကိုလည်းကောင်း၊ ညောင်ပင်ဝင်းကျေးရွာတွင်ဆီလုပ်ငန်းရှင် ဦးသူရဇော်ဇော်မှ ဆီပိဿာချိန်(၆၆၀)စသည်ဖြင့် ဈေးကားများဖြင့် အသီးသီးလှည့်လည်ရောင်းချပေးခဲ့ကြောင်း၊ ၃၁-၇-၂၀၂၂ ရက်နေ့တွင် ဆီလုပ်ငန်းရှင် ဒေါ်ယွန်းရွှေရည်မောင်နှင့် စားသုံးသူရေးရာဦးစီးဌာနမှ ဦးခင်မောင်ဆွေ (လက်ထောက်ညွှန်ကြားရေးမှူး)တို့ ဦးဆောင်၍ ဆီပိဿာချိန်( ၃၃၀ )ကို တပ်ကုန်းမြို့နယ်၊ ခရမ်းစပ်ကုန်းကျေးရွာတွင် ဈေးကားဖြင့်လှည့်လည်ရောင်းချပေးခဲ့ကြောင်း” သိရှိရပါတယ်။
ယခုလိုရောင်းချနေမှုများမှာ စားသုံးသူပြည်သူများအတွက် အဆင်ပြေမှုများစွာရှိကြောင်း၊ စားသုံးဆီဈေးနှုန်းများအဆမတန်မြင့်တက်မှုကိုလည်း ထိန်းချုပ်ပေးနိုင်သောကြောင့် နေပြည်တော် ဆီကုန်သည်နှင့်ဆီလုပ်ငန်းရှင်များအသင်းအနေဖြင့် ရောင်းချမှုများကို အကောင်းဆုံးကြိုးစားလျက်ရှိ ကြောင်း သတင်းရရှိပါတယ်။
DOCA(ပြည်ထောင်စုနယ်မြေ)