ညောင်ဦးခရိုင်တွင် ယခုနှစ်မိုးဦးကာလမိုးရွာသွန်းမှုများကြောင့် တောင်သူများမိုးမြေပဲသီးနှံကို စိုက်ပျိုးမှုတိုးမြှင့်စိုက်ပျိုးလာကြပါသည်။ ညောင်ဦးခရိုင်တွင် အသားတင်စိုက်ပျိုးနိုင်သော ယာမြေဧကပေါင်း(၄၁၅၉၄၃)ဧက ရှိသည့်အနက်မှ ညောင်ဦးမြို့နယ်တစ်မြို့နယ်တည်းပင် ဆီထွက် သီးနှံမြေပဲကို နှစ်စဉ်ဧကတစ်သိန်းကျော်ကို မိုးရာသီတွင် အများအပြားအားထားစိုက်ပျိုးကြပါသည်။ ညောင်ဦးမြို့နယ်တွင် မြေပဲသီးနှံကို ပင်ထောင်မြေပဲနှင့် ပင်ပြန့်မြေပဲနှစ်မျိုးလုံးကို စိုက်ပျိုးကြပြီး မြေပဲမျိုးများအားဖြင့် မကွေး-၁၀၊ မကွေး-၁၁၊ ဆင်းပဒေသာ-၁၁၊ ကွယ်ကာနီနှင့် ကျောင်းကုန်း မျိုးများကို စိုက်ပျိုးကြပါသည်။ မကွေး-၁၀နှင့် မကွေး-၁၁ မျိုးများကို အများဆုံးစိုက်ပျိုးကြ ကြောင်းနှင့် ၂၀၂၅-၂၀၂၆ ခုနှစ်တွင် မြေပဲစိုက်ပျိုးရန်(၁၀၁၇၂၇)ဧက လျာထားပါကြောင်း သိရှိရ သည်။ ညောင်ဦးမြို့နယ်တွင် ပြီးခဲ့သည့်မေလတွင် မိုးရွာသွန်းမှုများကောင်းခဲ့၍ မိုးဦးမြေပဲ (၉၉၉၆)ဧက စိုက်ပျိုးနိုင်ခဲ့ကြောင်း၊ စိုက်ပျိုးပြီး မိုးဦးမြေပဲခင်းများ အောင်မြင်ဖြစ်ထွန်းလျက်ရှိရာ အဖူးအပွင့်များစတင်ထွက်ပေါ်နေပြီဖြစ်ကြောင်းနှင့် ဇွန်လတွင်လည်း မိုးရွာသွန်းမှုများရှိခဲ့၍ ကျန်ရှိသော ယာမြေများတွင် မိုးလယ်မြေပဲစိုက်ပျိုးရန် ပြင်ဆင်ထားရှိလျက်ရှိကြောင်း၊ မိုးဦး စိုက်မြေပဲခင်းများအတွက် နောက်ထပ် နှစ်မိုးသုံးမိုးခန့်ဆက်လက်ရွာသွန်းခဲ့လျှင် မြေပဲစိုက်တောင် သူများအတွက် မြေပဲရရှိရန် သေချာသလောက်ဖြစ်၍ ဝမ်းသာရမည်ဖြစ်ကြောင်း မင်နန်သူကျေး ရွာနေ မြေပဲစိုက်တောင်သူများ၏ ပြောကြားမှုအားသိရှိရသည်။
ယခင်နှစ် ညောင်ဦးမြို့နယ်တွင် မြေပဲစိုက်ပျိုးမှုအခြေအနေဖြင့် ၂၀၂၄-၂၀၂၅ ခုနှစ်တွင် မြေပဲ(၁၁၃၃၆၇)ဧက စိုက်ပျိုးခဲ့ပြီး ပျမ်းမျှအထွက်နှုန်းအနေဖြင့် တစ်ဧကလျှင်(၄၇.၈၇)တင်းနှုန်း ထွက်ရှိခဲ့ကြောင်း သိရှိရသည်။
DOCA(မန္တလေး)