ဧရာဝတီတိုင်းဒေသကြီးရှိ ငါးလုပ်ငန်းဈေးကွက် တိုးတက်မှု

          ဧရာဝတီတိုင်းဒေသကြီးအတွင်းရှိ လပွတ္တာနှင့် ဘိုကလေးမြို့နယ်များတွင် ဖမ်းဆီးရရှိသော ပင်လယ်ငါးနှင့် ရေချိုငါးများသည် ပြည်တွင်းဈေးကွက်တွင် ဝယ်လိုအား အလွန်ကောင်းမွန် လျက်ရှိကြောင်း သိရသည်။ ယခုနှစ်အတွင်း ငါးထုတ်လုပ်မှုပမာဏသည် တန်ချိန် ၁၂၀,၀၀၀ ကျော် ရှိခဲ့ပြီး ယခင်နှစ်ကထက် ၁၂% ခန့် တိုးတက်လာခဲ့သည်။

            ငါးဈေးနှုန်းများမှာ ယခုနှစ်တွင် တစ်တန်လျှင် ကျပ် ၁.၈ သန်းမှ ၂.၂ သန်းအထိ ရှိခဲ့ပြီး ယခင်နှစ်နှင့်နှိုင်းယှဉ်ပါက ၁၀% ခန့် မြင့်တက်လာခဲ့သည်။ ပြည်တွင်းစားသုံးသူများ၏ အာဟာရ လိုအပ်ချက်နှင့် ငါးအပေါ် ယုံကြည်မှုတိုးလာမှုတို့ကြောင့် ဈေးကွက်တည်ငြိမ်ပြီး ငါးဖမ်းလုပ်ငန်းနှင့် ပတ်သက်သည့် ကျေးရွာသူ/ သားများ၏ ဝင်ငွေလည်း တိုးတက်လာခဲ့သည်။

            ဧရာဝတီတိုင်းဒေသကြီးသည် မြစ်ဝကျွန်းပေါ်ဒေသဖြစ်သည့်အားလျော်စွာ ငါးလုပ်ငန်းအတွက် အဓိကထုတ်လုပ်ရာဒေသဖြစ်ကာ ၂၀၂၄ ခုနှစ်တွင် ငါးဖမ်းဧရိယာမှာ ဧက ၄ သိန်းကျော်ရှိခဲ့ပြီး ယခင်နှစ်ထက် ၇% တိုးတက်လာခဲ့သည်။ ငါးများကို ပြည်တွင်းစားသုံးမှုအပြင် ပြည်ပသို့တင်ပို့မှုများလည်းရှိသဖြင့် ဒေသစီးပွားရေးအတွက် အရေးပါသည့် လုပ်ငန်းတစ်ခုဖြစ်သည်။

           ထို့အပြင် ငါးလုပ်ငန်းတွင် ခေတ်မီနည်းပညာများ (ဥပမာ - ရေချိုငါးမွေးမြူရေး၊ ငါးအစာ အဆင့်မြှင့်ထုတ်လုပ်မှု) ပိုမိုအသုံးပြုလာခြင်းနှင့် အစိုးရ၏ ကူညီထောက်ပံ့မှုများကြောင့် ထုတ်လုပ်မှုနှင့် အရည်အသွေးများ သိသာစွာ တိုးတက်လာခဲ့သည်။ ယခုနှစ်တွင် ငါးလုပ်ငန်းဖြင့် အသက်မွေးသူများ၏ ဝင်ငွေပိုမိုရရှိလာမှုသည် ဒေသ၏ လူမှုစီးပွားဘဝကို မြှင့်တင်ပေးနိုင်ခဲ့ပြီး အနာဂတ်တွင်လည်း ပြည်တွင်း/ ပြည်ပဈေးကွက် ပိုမိုကောင်းမွန်စေရန် အလားအလာရှိကြောင်း သိရှိရပါသည်။

DOCA(ဧရာဝတီ)