ပြည်ထောင်စုနယ်မြေ၊ နေပြည်တော်အတွင်း ဈေးကွက်များရှိ ငါးပွဲရုံများသို့ ငါးမျိုးစုံ ဝင်ရောက်မှု လျော့ကျခဲ့သည်ကို တွေ့ရှိရပါသည်။ မုန်တိုင်းဖြစ်ပေါ်မှုနှင့် သတိပေးချက်တို့ ကြောင့် ရန်ကုန်ငါးဒိုင်များသို့ ဝင်ရောက်မှုလျော့ကျခဲ့ပြီး၊ နယ်ဈေးကွက်များ၏ လိုအပ်ချက် အပေါ် ဖြည့်ဆည်းပေးနိုင်မှုလျော့ကျခဲ့သည်ကို သိရှိရပါသည်။ ရန်ကုန်ငါးဒိုင်တို့၏ ဈေးမြှင့် ဝယ်ယူရမှုများ ရှိခဲ့သဖြင့် နယ်မြို့များရှိ ငါးပွဲရုံများတွင်လည်း ဈေးနှုန်းမြင့်တက်လာမှုရှိခဲ့ပြီး၊ လက်လီဈေးကွက်များတွင် ဈေးနှုန်းမြင့်တက်မှု ရှိလာသည်ကိုတွေ့ရပါသည်။ ဒေသတွင်း ငါးသုံးစွဲမှုတွင် ပုံမှန်အနေအထားကိုသာ တွေ့ရှိရသဖြင့် ရန်ကုန်မှဝင်ရောက်မှု ပုံမှန်နှင့် ဒေသ တွင်း ဘုံငါးဖမ်းလုပ်ငန်းများမှ ဝင်ရောက်မှု ပိုမိုအားကောင်းလာနိုင်မှုတို့ကြောင့် ဈေးနှုန်း ပြန်လည်လျော့ကျမှု ရှိလာမည်ဟုသိရှိရပါသည်။ ဒေသတွင်းဈေးကွက်များသို့ အောင်ပန်းဈေး ကွက်မှ ပုံမှန်ဝင်ရောက်နေမှုကိုသာ တွေ့ရပြီး၊ ဈေးကွက်ငယ်များသို့ တိုက်ရိုက်ရောက်ရှိနေမှု များကိုလည်းတွေ့ရှိနေရပါသည်။ ဝင်ရောက်မှုပုံမှန်အခြေအနေတွင် တွေ့ရှိရသော်လည်း ကြက်သွန်ဖြူ(ရှမ်းစ)သုံးစွဲလာမှုပိုမိုလာသည့် အနေအထားတွင်တွေ့ရှိနေရပါသည်။ ကြက်သွန် ဖြူ(ရှမ်းစ)ဝင်ရောက်မှုတွင် သန့်စင်မှုအားနည်းလာခြင်းနှင့် ကြက်သွန်ဖြူ(ကြူကုတ်) ဝင် ရောက်မှုများတွင်လည်းပုံမှန်ရှိနေပြီး၊ ဈေးနှုန်းလျော့ကျလာမှုရှိခဲ့သဖြင့် ကြက်သွန်ဖြူ (ရှမ်းစ) တွင်လည်း ဈေးနှုန်းလျော့ကျမှုရှိလာပါသည်။ ဒေသတွင်း ဈေးကွက်များတွင် ဝယ်ယူသုံးစွဲမှု အများဆုံးရှိနေသော မန္တလေးကုလားပဲခြမ်း ပုံမှန်ဝင်ရောက်မှုရှိနေခြင်းနှင့် မိထ္ထီလာ၊ပျော်ဘွယ် မြို့တို့မှလည်း ဝင်ရောက်မှုရှိခဲ့ပါသည်။ ကုလားပဲခြမ်းရောင်းအား ဈေးကွက်များအတွင်း လျော့ ကျလျက်ရှိပြီး ဒေသတွင်း ဈေးကွက်များအတွင်း လှည့်ပတ်မှုပိုမိုလာပြီး၊ ဈေးနှုန်းကျ ဆင်းလာ မှုရှိခဲ့ပါသည်။ မန္တလေးမှ ဝင်ရောက်မှုနှင့် မိထ္ထီလာမြို့၊ ပျော်ဘွယ်မြို့တို့မှ ဝင် ရောက်မှုပမာဏ တူညီမှုရှိလာသဖြင့် ဈေးနှုန်းလျော့ကျလာမှုကိုလည်း ရှိစေခဲ့ပါသည်။ ဒေသတွင်းထွက်ရှိမှုပုံမှန် အနေအထားရှိခဲ့ပြီး၊ ရှမ်း(တောင်)မှ ဝင်ရောက်မှု အားကောင်းခဲ့သည်ဟု သိရှိရပါသည်။ ဒေသ တွင်း မီးဖိုချောင်သုံးစွဲမှု ပုံမှန်အနေအထားတွင် ရှိနေသော်လည်း ကုန်ထုတ်လုပ်မှုလုပ်ငန်းများ တွင် သုံးစွဲမှုလျော့ကျခဲ့ပြီး၊ ဈေးကွက်ငယ်များသို့ တိုက်ရိုက်ရောက်ရှိခဲ့မှု ပိုမိုခဲ့သဖြင့် ဈေးနှုန်း လျော့ကျမှု ရှိခဲ့ပါသည်။
DOCA(နေပြည်တော်ကောင်စီ)