ပြည်ထောင်စုနယ်မြေ၊ နေပြည်တော်အတွင်း ကြိတ်ခွဲထုတ်လုပ်မှုများတွင် မိုးစပါး(ဟောင်း) ကြိတ်ခွဲ ထုတ်လုပ်မှုများတွေ့ရှိရပြီး၊ မေလနောက်ဆုံးပတ်အတွင်း ဆန်ရောင်းချရမှု အား ကောင်းခဲ့ သဖြင့် ဇွန်လ၏ ပထမပတ်အတွင်း ကြိတ်ခွဲမှုပိုမိုခဲ့သည့် အနေအထားကို သိရှိရပါသည်။ ဒေသတွင်း ကြိတ်ခွဲထုတ်လုပ်မှုတွင် မနောသုခဆန်အမျိုးအစား အများဆုံးတွေ့ရှိရပြီး ဒေသတွင်းသို့ ပုံမှန်ဝင် ရောက်မှုရှိနေသည့် ပဲခူးတိုင်းဒေသကြီးမှ ဗျော့ထွန်းနှင့် ရက်(၉၀)ဧည့်မထဆန်များ ဝင်ရောက်မှု အများဆုံးရှိခဲ့သည်ကို သိရှိရပါသည်။ စားသုံးမှုအများဆုံးရှိနေသော မနောသုခ၊ ဗျော့ထွန်း၊ ရက်(၉၀) တို့တွင် ဈေးနှုန်းဖြစ်နေမှုသည် (၁)အိတ်လျှင် (၇၅၀၀၀)ကျပ်မှ (၈၀၀၀၀)ကျပ်အတွင်းရှိနေ သည်ကို တွေ့ရပါသည်။ ဒေသတွင်းထုတ်လုပ်သည့်ဈေးနှုန်းနှင့် အခြားတိုင်း(ရန်ကုန်၊ ပဲခူး)တို့မှ ဝင်ရောက် သည့်ဆန်ဈေးနှုန်းများကွာခြားမှု နည်းပါးသဖြင့် ဆန်ဈေးနှုန်း တည်ငြိမ်မှုရှိနေပါသည်။ တောင်ငူနှင့် ရေတာရှည်မြို့နယ်များမှ ဝင်ရောက်သည့် ဗျော့ထွန်းအမျိုးအစား ဧည့်မထဆန် လူသုံးများလာသဖြင့် ဝင်ရောက်မှုပိုမိုလာမည်ဖြစ်ပြီး ဈေးနှုန်းတွင်လည်း ဒေသတွင်းအရောက်(၁)အိတ်လျှင် (၇၅၀၀၀) ကျပ်ရှိနေသဖြင့် ဆန်ဖူလုံမှုနှင့် ဆန်ဈေးနှုန်းတည်ငြိမ်မှုကို ထောက်အကူရှိစေမည် ဖြစ်ကြောင်း သိရ ပါသည်။
DOCA(နေပြည်တော်ကောင်စီ)