ပြည်ထောင်စုနယ်မြေ၊ နေပြည်တော်အတွင်း နွေစပါးစိုက်ပျိုးထားရှိမှုများမှ တပ်ကုန်းမြို့ နယ်အတွင်း ရိတ်သိမ်းနေမှုများကို အများဆုံးတွေ့ရှိလာရပါသည်။ ဇေယျာသီရိမြို့နယ်တွင် စိုက်ပျိုး ထားရှိမှုများမှလည်း ဇွန်လ၏ တတိယပတ်အတွင်း ရိတ်သိမ်းမှု ဖြိုင်ဖြိုင်ရှိလာမည်ဖြစ်ပါသည်။ ဇွန် လ၏ စတုတ္ထအပတ်အတွင်း တပ်ကုန်းနှင့် ဇေယျာသီရိမြို့နယ်တွင် ရိတ်သိမ်းမှုအား အကောင်းဆုံး အနေအထားကို တွေ့ရှိရမည်ဖြစ်ပါသည်။ ဒေသတွင်းဆီထွက်သီးနှံစိုက်ပျိုးထားရှိမှုများတွင် မြေပဲ သီးနှံ ဘောင်လုံးနေသည့် အဆင့် အနေအထားကို တွေ့ရပြီး၊ ဖြစ်ထွန်းမှုအကောင်းဆုံး အနေအထား များကိုတွေ့ရှိရပါသည်။ နှမ်းစိုက်ခင်း အချို့တွင် မိုးရွာသွန်းမှုများခဲ့သဖြင့် အပင်ဖြစ်ထွန်းမှု အားနည်း သည်ကိုတွေ့ရှိရပါသည်။ စိုက်ပျိုး ချိန်စောခဲ့သောလယ်ဝေးမြို့နယ်အတွင်းရှိ နှမ်းစိုက်ခင်းများ အပွင့် တုန်းအနေအထားဖြင့် တွေ့ရှိရပြီး၊ မိုးရေဝင်ရောက်မှုများခဲ့သော စိုက်ခင်းအချို့ ပျက်စီးမှုရှိခဲ့သည်ဟု သိရပါသည်။ ဒေသတွင်း စပါးဈေးနှုန်းဖြစ်ပေါ်မှုများတွင် မေလ၏ နောက်ဆုံးပတ်အတွင်း ဈေးနှုန်း အနည်းငယ်မြင့်တက်မှုရှိခဲ့သည်ကိုတွေ့ရှိခဲ့ရသော မိုးစပါးဟောင်း(မနောသုခ) စပါးဈေး(၁၄)ပိဿာ (၂၁၀၀၀)ကျပ် ဈေးသို့ ပြန်လည်နိမ့်ကျလာမှုကို တွေ့ရှိရပါသည်။ လက်ရှိ ရိတ်သိမ်းလျက်ရှိသော နွေစပါးတွင် ရိတ်ခြွေစက်ကျ (အစို) ဈေးနှုန်း(၁၅)ပိဿာ တစ်တင်း (၁၃၀၀၀)ကျပ်မှ (၁၄၀၀၀)ကျပ် ဈေးနှုန်းဖြစ်ပေါ်နေပါသည်။ စပါးလက်ကျန်အနေဖြင့် (၂၀၂၄-၂၀၂၅)ခုနှစ်ထွက် မိုးစပါး တောင်သူ လက်ဝယ်ကျန်ရှိနေမှု များပြားခြင်း၊ (၂၀၂၃-၂၀၂၄)မိုးစပါးဟောင်း ကုန်သည်များလက်ဝယ်ကျန်ရှိနေ ခြင်း၊ လက်ရှိနွေစပါးစတင်ရိတ်သိမ်းနေမှုနှင့် အောင်မြင်ဖြစ်ထွန်းမှုအနေအထားများအရ ဒေသတွင်း ဆန်ဖူလုံမှုရှိနေမည်ဖြစ်ကြောင်း သိရှိရပါသည်။
DOCA(နေပြည်တော်ကောင်စီ)