![](http://www.doca.gov.mm/sites/default/files/styles/consumer_inner_image__847x424_/public/မိုးနှမ်း_0.jpg?itok=0Nilo_hq)
မေလအတွင်း စိုက်ပျိုးခဲ့သော မိုးနှမ်းများမှာ ယခုအခါ လှိုင်လှိုင်ရိတ်သိမ်းနေပြီဖြစ်ကြောင်း သိ ရသည်။ နှမ်းသီးနှံကို မိုး/ဆောင်း/နွေဟူ၍ (၃)သီးစိုက်ပျိုးနိုင်သော်လည်း မိတ္ထီလာခရိုင်အနေနှင့် ဒေသရာသီဥတုနှင့် ကိုက်ညီသည့် မိုးနှမ်းကိုသာ အစိုက်များကြသည်။ ဒေသတွင်းစိုက်ပျိုးရာ၌လည်း သဘာဝဓာတ်မြေဩဇာဖြစ်သည့် နွားချေးကိုသာ အသုံးပြုကြပါသည်။ ထယ်/ထွန်ခြင်းနှင့် ပေါင်း လိုက်ရာတွင် လုပ်သားကုန်ကျစရိတ်များရှိသော်လည်း မိရိုးဖလာဖြစ်၍ မိသားစုလုပ်အားများပါ ပူးပေါင်းစိုက်ပျိုးခြင်းကြောင့် စိုက်ပျိုးကုန်ကျစရိတ်ကိုလည်း အသေးစိတ်တွက်ချက်လေ့မရှိကြောင်း သိရသည်။ ယခုအခါ နှမ်းသီးနှံများလှိုင်လှိုင်ထွက်ရှိလာရာ နှမ်းချွေလှေ့ခြင်းအတွက် လုပ်သား တစ်ဦး လျှင် ၅၀၀၀ ကျပ်နှုန်းရှိပြီး နှမ်းသီးနှံမှာလည်း တစ်တင်းလျှင် (၆၂၀၀၀)ဖြင့် ဈေးကောင်းရရှိကြ ပါသည်။ တောင်သူများမှာလည်း လုပ်သားခပေးချေနိုင်ရေးအတွက် ပေါ်ထွက်လာသော သီးနှံကို ဈေး ကွက်သို့ရောင်းချရာ ဈေးကွက်အတွင်း စားသုံးဆီဝယ်လိုအားကြောင့် တက်ဈေးဖြင့် ဈေးငြိမ်နေ ကြောင်းသိရသည်။
DOCA(မန္တလေး)