၂၀၂၅ ခုနှစ်၊ ဇွန်လ (၂၇)ရက်နေ့၊ နံနက်(၀၉း၃၀)နာရီအချိန်တွင် ရှမ်းပြည်နယ် (အရှေ့ပိုင်း)၊ ကျိုင်းတုံခရိုင်စီမံအုပ်ချုပ်ရေးအဖွဲ့၊ ခရိုင်အထွေထွေအုပ်ချုပ်ရေးဦးစီးဌာနရုံးဝန်းအတွင်း ဝန်ထမ်းများအတွက် ကြက်ဥနှင့်ဝက်သားများကို သက်သာသောဈေးနှုန်းဖြင့် ရောင်းချပေးလျက်ရှိကြောင်း သိရှိရပါသည်။
ထိုသို့ ရောင်းချရာတွင် ကျိုင်းတုံခရိုင်စီမံအုပ်ချုပ်ရေးအဖွဲ့၊ ခရိုင်အထွေထွေအုပ်ချုပ်ရေးဦးစီးဌာန၊ မွေးမြူရေးနှင့်ကုသရေးဦးစီးဌာနနှင့် မွေးမြူရေးလုပ်ငန်းရှင်များအဖွဲ့တို့ပူးပေါင်း၍ ကြက်ဥ အလုံးသေး(၃၀)ပါတစ်ကတ်လျှင်(၁၃၀၀၀)ကျပ်၊ ကြက်ဥအလုံးကြီး(၃၀)ပါတစ်ကဒ်လျှင် ၁၃၅၀၀ ကျပ်ဖြင့် (၂၄၀)ကတ်နှင့် ဝက်သားတစ်ပိဿာ(၃၀၀၀၀)ကျပ်ဖြင့်(၆၅)ပိဿာ ရောင်းချပေးခဲ့ကြောင်း သိရှိရပါသည်။
DOCA(ရှမ်း)