ပြည်မြို့နယ်အတွင်းရောင်းချနေသောပြောင်းဖူးများကို ပုတီးကုန်း၊ သဲကုန်းမြို့များမှ ရထားဖြင့်သော်လည်းကောင်း၊ ကားများဖြင့်သော်လည်းကောင်း တင်ပို့ရောင်းချနေသလို ပြည်မြို့နယ်အတွင်း မှော်ဇာကျေးရွာများ၌ အများဆုံးစိုက်ပျိုးရောင်းချကြကြောင်းသိရပါသည်။ ရန်ကုန် ဈေးကွက်သို့လည်းတင်ပို့ရောင်းချကြောင်းသိရပါသည်။ ပုတီးကုန်း၊ ဆင်မြီးဆွဲဒေသမှ ထွက်သော ပြောင်းဖူးများကိုဒေသအခေါ် မြှားနီပြောင်းနှင့် ကာလာဖိုက် လို့တင်စား ခေါ်ဝေါ် ကြပါသည်။ ပြည်မြို့အတွင်း ပြောင်းဖူးစိမ်းတစ်ဖူးလျှင် (၅၀၀)ကျပ်ဖြင့် ရောင်းချကြောင်း သိရပါသည်။ ရန်ကုန်-ပြည် ရထားလမ်းပေါ်တွင်လည်းပြောင်းဖူးပြုတ် (၁)ဖူးလျှင် (၇၀၀/၁၀၀၀) ကျပ်ဖြင့်ရောင်းချပါသည်။ သကြားပြောင်းဖူး (ခေါ်) ပြောင်းဝါတစ်ဖူးလျှင် အစိမ်း(၅၀၀)၊ အပြုတ် (၁၀၀၀)ကျပ်ဖြင့် ရောင်းချနေကြကြောင်း သိရှိရပါသည်။
DOCA(ပဲခူး)