“ဂေါ်ရခါးသီးအသုံးဝင်ပုံနှင့်ဈေးနှုန်းဈေးကွက်”

ကျောက်ဆည်ခရိုင်အတွင်းရှိ ဈေးများတွင် ဂေါ်ရခါးသီးများ ဝင်ရောက်လျက်ရှိပါသည်။ ဂေါ်ရခါးသီး လှိုင်လှိုင်ထွက်ပေါ်ချိန်မှာ ဆောင်းတွင်းပိုင်းအချိန်ဖြစ်ပြီး ယခုအချိန်တွင် အနည်းငယ် သာ ဝင်ရောက်လျက်ရှိကြောင်း၊ ဂေါ်ရခါးသီးကို ရှမ်းပြည်နယ် တောင်ကြီး၊ အောင်ပန်း၊ကလောနှင့် ရွာငံ၊ ရေဦးဒေသများမှ ထွက်ရှိကြောင်း၊ ဂေါ်ရခါးပင်သည် အနွယ်ပင် ဖြစ်သောကြောင့် အညွန့်ကို လည်း စားသုံးကြကြောင်း၊ ဂေါ်ရခါးပင် စိုက်ပျိုးခြင်းဖြင့် ဝင်ငွေနှစ်မျိုး ရရှိကြောင်း၊ ဂေါ်ရခါ ညွန့်နှင့် ဂေါ်ရခါးသီးကို လူကြိုက်များသောကြောင့် ဝယ်လိုအားရှိကြောင်း၊ ယခုလက်ရှိ ဂေါ်ရခါးသီး ဈေးနှုန်းအနေဖြင် လက်ကားဈေး တစ်လုံးလျှင် (၃၀၀/-)ကျပ်ဖြင့် ရောင်းဝယ် လျက် ရှိကြောင်း၊ လက်လီဈေးအနေဖြင် တစ်လုံးလျှင် (၅၀၀-၆၀၀)ကျပ်၊ ဂေါ်ရခါးညွန့် ဆယ်စီးပါ တစ်ထုံးလျှင် လက်ကားဈေး (၅၀၀၀/-)ကျပ်၊ လက်လီ တစ်စီးလျှင် (၇၀၀-၈၀၀)ကျပ်ဈေးဖြင့် ရောင်းချလျက် ရှိကြောင်း၊ ဂေါ်ရခါးသီး စားသုံးခြင်းဖြင့် အမျှင်ဓာတ်နှင့် ရေဓာတ်များစွာ ပါဝင်သောကြောင့် ကိုယ်အလေးချိန်ကို ထိန်းညှိပေးခြင်း၊ ဗီတာမင်ဘီနှင့် ဗီတာမင်စီဓာတ်တို့ ပါဝင်နေသဖြင့် ကိုယ်ဝန် ဆောင်မိခင်များ စားသုံးပေးခြင်းဖြင့် မွေးရာပါချို့ယွင်းချက်ပါတာမျိုး မဖြစ်အောင် ကာကွယ်ပေးနိုင် ခြင်းနှင့် ခန္ဓာကိုယ်သက်လုံကောင်းစေပြီး အမောခံနိုင်စေသောကြောင့် ဂေါ်ရခါးသီးကို ဟင်းချိုချက် ၍လည်းကောင်း၊ ကြက်ဥနှင့်ကြော်၍လည်းကောင်း၊ ကြက်သားနှင့်ရော၍ လည်းကောင်း စားသုံးကြ ကြောင်း ဂေါ်ရခါးသီးစားသုံးခြင်းဖြင့် ကျန်းမာရေးအကျိုးကျေးဇူးများ ရရှိစေမည်ဖြစ်ကြောင်း ရေသား တင်ပြအပ်ပါသည်။ DOCA(မန္တလေး)