“မိုးမြေပဲစိုက်ပျိုးမှုနှင့်စျေးနှုန်းစျေးကွက်”

ကျောက်ဆည်ခရိုင်အတွင်း မိုးမြေပဲများစိုက်ပျိုးလျှက်ရှိပြီး တောင်သူဦးကြီးများမှ ပြည်တွင်း စားသုံဆီဖူလုံရန်အလို့ငှာ မိုးမြေပဲ၊ဆောင်းမြေပဲများကို ရာသီအလိုက်စိုက်ပျိုးလျှက်ရှိရာ ခရိုင်အတွင်း ၂၀၂၅-၂၀၂၆ဘဏ္ဍာနှစ်တွင် ဇူလိုင်လအထိ မြေပဲစိုက်ဧက (၃၅၈)ဧက စိုက်ပျိုပြီးစီးပြီးဖြစ်ကြောင်း၊ အများဆုံးစို က်ပျိုးသော မြို့နယ်မှာ မြစ်သားမြို့နယ်ဖြစ်ပြီး မိုးမြေပဲ(၃၀၂)ဧက စိုက်ပျိုးပြီးစီးပြီဖြစ် ကြောင်းသက်ဆိုင်ရာဌာန၏ စာရင်းများအရသိရှိရပါသည်။ မြေပဲစိုက်ပျိုးမှုတွင် ဘောင်ကြောင်းပေး စနစ်ဖြင့်အတန်းလိုက် အစေ့ချစနစ်ဖြင့်စိုက်ပျိုးကြကြောင်း၊မျိုးအနေဖြင့် ပင်ထောင်ပဲနှင့်ပင်ပြန့်ပဲ နှစ်မျိုးရှိပြီး မြို့နယ်အတွင်း အများဆုံးစိုက်ပျိုးသောမျိုးမှာ ပင်ပြန့်မျိုးများဖြစ်ပြီး(၁)ဧက မျိုးအနေ ဖြင့် မြေပဲအဆံ စိုက်ပျိုးပါက(၂၄)ပြည်စိုက်ပျိုးရပြီး မြေပဲအတောင့်စိုက်ပျိုးပါက(၄)တင်းခန့်စိုက်ပျိုးရ ကြောင်း၊စိုက်ပျိုးမှု (၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခ အပါအဝင် စုစုပေါင်း (၆၀၀၀၀၀/-)ကျပ်ခန့်ကုန်ကျကြောင်း ၊ အများဆုံးစိုက်ပျိုးသော ရွာများမှာ ရစ်ကန် ၊ ကျားတွင်းနှင့် ညောင်ဝန်းရွာများဖြစ်ပြီး ယခင်နှစ် အထွက်နှုန်းအနေဖြင့် (၁)ဧကလျှင် တင်း(၃၀-၄၀)ထွက်ရှိခဲ့ ကြောင်း၊ မြေပဲတစ်တင်းလျှင်(၄၅၀၀၀/-)ကျပ်၊ မြေပဲဆံ(၁)ပိဿာလျှင်(၁၂၀၀၀/-)ကျပ်၊ မြေပဲဆီ (၁)ပိဿာလျှင် (၁၈၀၀၀/-)ကျပ်ဖြင့် ရောင်းဝယ်ခဲ့ပြီး စိုက်ပျိုးစရိတ်နှုတ်ပြီးပါက(၇၅၀၀၀၀/-)ကျပ် ခန့် မြတ်ခဲ့ကြောင်း၊ယခုလက်ရှိ မြေပဲပေါက်စျေးအနေဖြင့် မြေပဲတောင့်တစ်တင်းလျှင်( ၃၈၀၀၀-၄၀၀၀၀)ကျပ်၊ မြေပံဆံ (၁)ပိဿာလျှင်(၁၀၀၀၀/-)ကျပ်၊ မြေပဲဆီ(၁)ပိဿာလျှင်(၁၉၀၀၀/-) ကျပ် ဖြင့် ရောင်းဝယ်လျှက်ရှိ‌ကြောင်း၊ မြေပဲပေါ်ချိန်တွင် တောင်သူများမှ နီးစပ်ရာပွဲရုံများသို့ တိုက်ရိုက် တင်ပို့ ရောင်းချ ကြကြောင်း ပွဲရုံများမှတဆင့် မန္တလေး၊ရန်ကုန်မြို့များတင်ပို့ရောင်းချကြကြောင်း သိရှိရပါသည်။ DOCA(မန္တလေး)