မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးသို့ မြို့နယ်အတွင်းရှိ ကျေးရွာများဖြစ်သည့် ရွာတော်၊ ပန်းတော်ပြင်၊ ညောင်ပင်သာ၊ မယ်ဇလီတော၊ ဥယျာဉ်နှင့် မြို့အရှေ့ ဘက်ကမ်းရှိ ကျွန်းရွာ၊ မြင်ကွန်းစသည့်ကျေးရွာများမှ ဟင်းသီးဟင်းရွက်များအပြင် သရက်မြို့၊ မကွေးမြို့၊ မင်းဘူးမြို့နှင့် တောင်တွင်းကြီးမြို့တို့မှ ဟင်းသီးဟင်းရွက်များ ဝင်ရောက်အရောင်းအဝယ် ဖြစ်လျက်ရှိရာ ၂၀၂၅ခုနှစ်၊ ဇွန်လ(တတိယပတ်)မှစ၍ ချဉ်ပေါင်ရွက်ဈေးနှုန်းကျဆင်းလာကြောင်း သိရသည်။
၂၀၂၅ခုနှစ်၊ ဇူလိုင်လ(ပထမပတ်)တွင် ချဉ်ပေါင်ရွက်(၁)ပိဿာလျှင် ကျပ်(၃၀၀-၄၀၀)ဈေးနှုန်း ဖြင့် အရောင်းအဝယ်ဖြစ်လျက်ရှိပြီး ယခင်ဇွန်လ(ပထမပတ်)တွင် (၁)ပိဿာလျှင် ကျပ်(၅၀၀-၇၀၀)ဖြင့် အရောင်းအဝယ်ဖြစ်လျက်ရှိရာ ဈေးနှုန်းနှိုင်းယှဉ်ပါက ကျပ်(၂၀၀-၃၀၀)ဈေးနှုန်းကျဆင်း၍ အရောင်းအဝယ်ဖြစ်လျက်ရှိကြောင်း၊ ယခုအချိန်တွင် မိုးတွင်းကာလဖြစ်၍ ဒေသတွင်းကျေးရွာများ၌ ချဉ်ပေါင် ရွက်များ လှိုင်လှိုင်ထွက်ပေါ်နေချိန်ဖြစ်၍ ဈေးနှုန်းမှာ တရိပ်ရိပ်ကျဆင်းလာခြင်းဖြစ်ကြောင်း သိရှိရသည်။
DOCA (မကွေး)