ကျောက်ဆည်ခရိုင်အတွင်း လယ်ယာစိုက်ပျိုးရေးနှင့် သီးနှံမျိုးစုံ ထွက်ကုန်များ အဓိကထား စိုက်ပျိုးထုတ်လုပ်လျှက်ရှိရာ ကြက်သွန်နီလည်း အဓိကပါဝင်လျှက်ရှိပြီး ယခုနှစ် ကြက်သွန်နီ စျေးနှုန်းများမှာ ထွက်ပေါ်ချိန်တွင် စျေးကောင်းရခဲ့သော်လည်း ဖြိုင်ဖြိုင်ထွက်ပေါ်သည့် မတ်လ၊ဧပြီ လများမှစ၍ စျေးနှုန်းများကျဆင်းခဲ့ရာ ယနေ့အချိန်စျေးနှုန်းများ အငုတ်စျေးဖြင့်သာရောင်းဝယ် လျှက်ရှိကြောင်းသိရှိရပါသည်။ ထွက်ပေါ်ချိန်က တောထုတ်အတိုင်း (၁)ပိဿာလျှင် (၂၈၀၀/-)ကျပ် စျေးနှုန်းဖြင့်အရောင်းအဝယ်ဖြစ်ခဲ့သော်လည်း ယနေ့အရောင်းအဝယ်ဖြစ်နေသည့် စျေးနှုန်းများအနေ ဖြင့်ကြက်သွန်နီတစ်ပိဿာလျှင်(အကြီး) (၁၄၀၀/-)ကျပ် ၊ အလတ် (၁၁၅၀-၁၂၀၀)ကျပ် ၊ အသေး (၆၀၀-၇၀၀)ကျပ်ဖြင့် အရောင်းအဝယ်ဖြစ်လျှက်ရှိပြီး ရန်ကုန် ၊ မန္တလေးမြို့များသို့ တင်ပို့လျှက်ရှိ ကြောင်းသိရှိရပါသည်။ မြစ်သားကြက်သွန်နီအနေဖြင့် ဘုရင့်နောင်စျေးကွက်တွင် မျက်နှာပန်းလှ သည့်ကြက်သွန်ဖြစ်ပြီး ယခုနှစ် အခြေအနေပုံမှန်သာ အရောင်းအဝယ်ဖြစ်ကြောင်း၊ကျောက်ဆည် စျေးကွက်သို့ တရုတ်ဝယ်လက်များ ကြက်သွန်လာရောက်လေ့လာမှုများရှိနေသဖြင့် တောင်သူများ မှာလည်းတက်ဈေးမျှော်ပြီး သိုလှောင်ထားကြကြောင်း သိရှိရပါသည်။
DOCA(မန္တလေး)