တနင်္သာရီတိုင်းဒေသကြီး၊ထားဝယ်ခရိုင်၊ ထားဝယ်မြို့အနီးအနားရွာများမှ ထွက်ရှိသော ရှောက်သီးများကို ထားဝယ်မြို့ပေါ်ရှိ အဝယ်ဒိုင်များမှ ခြံအထိလာရောက်ဝယ်ယူပြီး ၎င်းအဝယ်ဒိုင် များမှတစ်ဆင့် စည်ပင်သာယာဈေး၊ကမ်းနားဈေး၊ညနေဈေးတို့တွင် ပြန်လည်ရောင်းချကြကြောင်း သိရှိရပါသည်။ မိသားစုတစ်နိုင်တစ်ပိုင်အဖြစ် ဒေသထွက်သီးနှံဖြစ်သည့် ရှောက်သီးများအား ရှောက် ပေါင်းချိုပြုလုပ်ပြီး တခြားမြို့နယ်များသို့ တင်ပို့ရောင်းချလျက်ရှိကြောင်း သိရှိရပါသည်။
ယခုအချိန်တွင် ရှောက်သီးအလုံးသေးတစ်လုံးလျှင် ၃၀၀ကျပ်၊ အလုံးကြီးတစ်လုံးလျှင်(၅၀၀) ကျပ် အရောင်းအဝယ်ဖြစ်လျက်ရှိပြီး စားသုံးသူများပြားလျက်ရှိကြောင်း သိရှိရပါသည်။
DOCA(တနင်္သာရီ)