ဂေါ်ဖီထုပ်ကို မြန်မာနိုင်ငံတွင် ဒုတိယအများဆုံးစိုက်ပျိုးသော ဟင်းသီးဟင်းရွက်သီးနှံအမျိုးအစားဖြစ်ပြီး အစားအသောက်များတွင် မပါမဖြစ်သော အစားအသောက်တစ်မျိုးဖြစ်သည်။ ဂေါ်ဖီ ထုပ်ကို အေး၍စိုစွတ်သောဒေသများတွင် စိုက်ပျိုးမှုသင့်တော်သော သီးနှံတစ်မျိုးဖြစ်သည်။ ဟင်းချိုချက်သောက်ခြင်း၊ အသားတစ်မျိုးမျိုးဖြင့်ရောကြော်ခြင်း၊ အသုပ်ထဲထည့်စားခြင်း၊ အစရှိသော အစားအစာများတွင် ထည့်သွင်းခြင်းနှင့် ငါးပိရည်တို့စရာ အတို့မြုပ် အဖြစ်လည်း အမျိုးမျိုးစားသုံးကြ ကြောင်း သိရှိရပါသည်။ ဂေါ်ဖီထုပ်သည် အမျှင်ဓာတ်၊ ပရိုတင်း၊ ကယ်လ်ဆီယမ်၊ ပိုတက်ဆီယမ်၊ ဗီတာမင်အေ/ဘီ၊ သံဓာတ်နှင့် ဖော်လစ်အက်စစ် စသော အာဟာရဓာတ်များစွာ ပါဝင်သည့်အတွက် ကျန်းမာရေးကို များစွာအထောက်အကူပြုကြောင်း သိရှိရပါသည်။
၂၀၂၅ခုနှစ်၊ ဇူလိုင်လတတိယပတ်တွင် မြိတ်မြို့ပေါ်ရှိ ဂေါ်ဖီထုပ်တစ်လုံးလျှင် (၃၅၀၀) ကျပ်ဖြင့် ရောင်းချနေကြောင်း ကုန်စိမ်းရောင်းချနေသူများထံမှ သိရှိရပါသည်။
DOCA(တနင်္သာရီ)