မန္တလေးတိုင်းဒေသကြီး၊ သာစည်မြို့နယ်အတွင်းရှိ ကျေးရွာများတွင် လယ်ယာစိုက်ပျိုးရေး လုပ်ငန်းလုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာ စားဖိုဆောင်သီးနှံတစ်မျိုးဖြစ်သော ပဲတောင့်ရှည် (ခေါ်) တိုင်ထောင်ပဲကို တစ်နိုင်တစ်ပိုင်စိုက်ပျိုးရာမှ စီးပွားဖြစ်စိုက်ပျိုးကြကြောင်း သိရှိရပါသည်။
ပဲတောင့်ရှည်ကို မြေအမျိုးမျိုးတွင် စိုက်ပျိုးရပြီး ရာသီမရွေးစိုက်ပျိုးနိုင်ကြောင်း၊ ထွန်ယက်ခ၊ လုပ်သားခနှင့် သွင်းအားစု စုစုပေါင်း တစ်ဧကလျှင် (၇၀၀၀၀၀) ကျပ်ခန့်ကုန်ကျကြောင်း စိုက်ပျိုးရာတွင် မျိုးစေ့ကိုပျိုးထောင်ပြီး ဘောင်ခတ်၍ အတန်းလိုက် စိုက်ပျိုးရကြောင်း၊ ပဲတောင့်ရှည်ကို (၂) လ အကြာတွင် ခူးဆွတ်ရပြီး အရွယ်မရောက်မီ အစေ့နုသေးသောအချိန်တွင် ဆွတ်ခူးရကြောင်း၊ ပဲတောင့်ရှည်ကို ပန်းပွင့်ပြီး (၇-၁၀) ရက်အကြာတွင် စတင်ခူးဆွတ်နိုင်ကြောင်း၊ အထွက်နှုန်းအနေဖြင့် တစ်ဧကလျှင် (၂၀၀၀၀) ပိဿာ ကျော်ထိ ထွက်ရှိကြောင်း၊ ဈေးနှုန်းဈေးကွက်အနေဖြင့် သာစည်မြို့နယ်မှ မိတ္ထီလာဈေးကွက်သို့လည်း တင်ပို့ရောင်းချကြကြောင်း၊ လက္ကားဈေး တစ်ပိဿာလျှင် (၃၀၀၀-၃၅၀၀)ကျပ်၊ လက်လီတစ်ပိဿာလျှင် (၄၀၀၀-၅၀၀၀)ကျပ်၊ အရောင်းအဝယ်ဖြစ် လျက်ရှိကြောင်း သိရှိရပါသည်။ ယခုနှစ် ရာသီဥတုကောင်းမွန်ပြီး ရောဂါကျရောက်မှုမရှိဘဲ အထွက်နှုန်းကောင်းသဖြင့် ပဲတောင်ရှည် (ခေါ်) တိုင်ထောင်ပဲ စိုက်တောင်သူများအဖို့ အမြတ်အစွန်းများစွာရရှိကြောင်း သိရှိရပါသည်။
DOCA(မန္တလေး)