မြင်းခြံမြို့နယ်ရှိ အေးမြသီတာဈေးတွင် ဟင်းသီးဟင်းရွက်မျိုးစုံရောင်းချလျက်ရှိရာ ဂေါ်ရခါးညွန့်များကို ရှမ်းပြည်နယ်တောင်ပိုင်း၊ အောင်ပန်းမြို့နှင့် ပြင်ဦးလွင်မြို့တို့မှ မှာယူရောင်းချ ကြကြောင်းသိရှိရသည်။ ၂၀၂၅ ခုနှစ်၊ ဇူလိုင်လ စတုတ္ထပတ်တွင် ရောင်းချနေသော ဂေါ်ရခါးညွန့် တစ်စည်းလျှင် ၁၀၀၀ ကျပ်ပေါက်ဈေးများဖြင့် ရောင်းချလျက်ရှိကြောင်း၊ အာဟာရဓာတ် ကြွယ်ဝသောကြောင့် ဈေးကွက်တွင် အရောင်းအဝယ်ဖြစ်လျက်ရှိကြောင်း၊ နေ့စဉ် ဂေါ်ရခါးညွန့် အစည်းအရေအတွက် (၅၀-၁၀၀)စည်းခန့်ရောင်းချရကြောင်း၊ ကုန်စိမ်းရောင်းချသူတစ်ဦး၏ ပြောပြ ချက်အရ သိရှိရသည်။ ဂေါ်ရခါးညွန့်တွင် ပါဝင်သော အာဟာရဓာတ်များကြောင့် ဆီးချို၊သွေးချို ထိန်းညှိပေးကြောင်း၊ ဝယ်ယူရလွယ်ကူခြင်းနှင့် ချက်ပြုတ်ရာတွင် လွယ်ကူမြန်ဆန်သဖြင့် စားသုံးမှု များပြားကြောင်း သိရှိရသည်။
DOCA(မန္တလေး)