စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ ကုန်မျိုးစုံရောင်းဝယ်ရေးဆိုင်များတွင် သရေစာ စားစရာမျိုးစုံရောင်းချလျက်ရှိပြီး နေကြာစေ့များကို ရွှေဘိုမြို့နှင့်မန္တလေးမြို့တို့မှ မှာယူရောင်းချ လျက်ရှိကြောင်း သိရှိရပါသည်။ ၂၀၂၅ ခုနှစ်၊ ဇူလိုင်လ နောက်ဆုံးပတ်အတွင်း ကန့်ဘလူမြို့ကုန်မျိုးစုံ ရောင်းချသည့်ဆိုင်များတွင် နေကြာစေ့ လက်က္ကားတစ်ပြည်လျှင် (၇၀၀၀)ကျပ်၊ လက်လီတစ်ပြည်လျှင် (၇၂၀၀)ကျပ်နှင့် နေကြာစေ့နို့ဆီဘူး(၁) ဘူးလျှင်(၉၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း နေကြာစေ့သည် လူအများကြိုက်နှစ်သက်သည့် သရေစာဖြစ်၍ အရောင်းသွက်လျက်ရှိကြောင်း ကုန်မျိုးစုံ ရောင်းချသည့် လုပ်ငန်းရှင်များထံမှ သတင်းရရှိသည်။
DOCA(စစ်ကိုင်း)