မကွေးတိုင်းဒေသကြီး၊ မကွေးခရိုင်၊ မကွေးမြို့နယ်ရှိ မကြီးကန်ကျေးရွာ၊ နွားကူးကျေးရွာ၊ ပုထိုးစမ်းကျေးရွာ၊ ဇီးကျွန်းကျေးရွာ၊ ရွှေကျင်ကျေးရွာများသည် စိုက်ပျိုးရေးကို အဓိကအားထား လုပ်ကိုင်လျက်ရှိပြီး မြေပဲ၊ နှမ်း၊ ပဲစင်းငုံ၊ ကြက်သွန်နီစသည်သီးနှံများကို ရာသီအလိုက်စိုက်ပျိုး လျက်ရှိကြောင်း သိရသည်။
မကွေးမြို့နယ်၊ ရွှေကျင်ကျေးရွာနေ နှမ်းစိုက်တောင်သူတစ်ဦး၏ပြောကြားချက်အရ ၎င်း အနေဖြင့် နှမ်းနက်(၂)ဧကခန့်ကို ၂၀၂၅ခုနှစ်၊ မေလ(ပထမပတ်)တွင် စတင်စိုက်ပျိုးပြီး ဇူလိုင်လ (တတိယပတ်)တွင် ရိတ်သိမ်းကြောင်း၊ ထွန်ကြောင်းဆွဲအစေ့ချစနစ်ဖြင့် စိုက်ပျိုးထားပြီး (၁)ဧက လျှင် မျိုး(၃)ပြည်ခန့် ကုန်ကျကြောင်း၊ မျိုးအနေဖြင့် ယခင်နှစ်က မိမိစိုက်ခင်းမှထွက်ရှိသည့် နှမ်း နက်များကို မျိုးအဖြစ် ဖယ်ချန်၍ စိုက်ပျိုးခြင်းဖြစ်ကြောင်း၊ ထွန်ယက်ခ၊ လုပ်အားခ၊ ရိတ်သိမ်းခနှင့် အခြားသွင်းအားစုစရိတ် အပါအဝင် စုစုပေါင်း ကျပ်(၆၀၀၀၀၀)ခန့်ကုန်ကျကြောင်း၊ အထွက်နှုန်း အနေဖြင့် (၁)ဧကလျှင် (၆)တင်းထိ ထွက်ရှိပြီး ၂၀၂၅ခုနှစ်၊ ဇူလိုင်လ(စတုတ္ထပတ်)တွင် (၁)တင်းလျှင် ကျပ်(၂၃၀၀၀၀)ဖြင့် ရောင်းချရ၍ အကျိုးအမြတ်အနေဖြင့် (၁)ဧကလျှင် ကျပ်(၇၈၀၀၀၀)ခန့် ရရှိ ကြောင်း၊ ဈေးကွက်အနေဖြင့် မကွေးမြို့ရှိ သီးနှံပွဲရုံများသို့ တိုက်ရိုက်တင်ပို့ရောင်းချကြောင်း သိရှိ ရသည်။
DOCA(မကွေး)