ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံ ဒေါ်ဇင်မာသန်းသည် (၂၁.၇.၂၀၂၅)ရက်နေ့ နံနက်(၁၁း၀၀) နာရီအချိန်တွင် အိမ်မဲမြို့နယ် ဆန်စက်လုပ်ငန်းရှင်အသင်း၏ ဥက္ကဌဦးသိန်းလွင်၊ အမှုဆောင်များနှင့် တွေ့ဆုံဆွေးနွေးခဲ့ပါသည်။
ထိုသို့ဆွေးနွေးရာတွင် မြို့နယ်တာဝန်ခံမှ အသင်း၏လက်ရှိဆောင်ရွက်မှုများကိုမေးမြန်းရာ အသင်းဥက္ကဌမှ တောင်သူများတွက် ခြေကိုက်မည့် ဈေးနှုန်းဖြင့် စပါးဝယ်ယူ၍ ဆန်ကြိတ်ခွဲပြီး မြိုနယ်အတွင်းနှင့် အခြားဒေသများသို့ တင်ပို့ရောင်းချခြင်း၊ ပေါင်းဆန်ထုတ်လုပ်တင်ပို့ရောင်းချခြင်းဖြင့် ဒေသထွက်ကုန်စဉ်တိုးမြှင့် ဆောင်ရွက်လျက်ရှိကြောင်း၊ မြို့နယ်ဒေသဖွံ့ဖြိုးရေ လုပ်ငန်းများအတွက် ဒေသအုပ်ချုပ်ရေးအဖွဲ့များနှင့် ပူးပေါင်းဆောင်ရွက်လျက်ရှိကြောင်း၊ အခြေခံလူတန်းစားများအား သက်သာသောဈေးနှုန်းဖြင့် ရောင်းချပေးလျက်ရှိပြီး လက်ရှိဆောင်ရွက်မှုအတိုင်းဆက်လတ် ဆောင်ရွက်သွားမည်ဟုပြောကြား၍ မြို့နယ်တာဝန်ခံမှ ကုန်သွယ်မှုဖွံ့ဖြိုးတိုးတက်ရေး၊အသင်းတိုးတက်ရေးအကြံပြု ဆွေးနွေးပြောခဲ့ကြောင်း သိရှိရပါသည်။
DOCA(ဧရာဝတီ)