ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ မြို့မစည်ပင်သာယာဈေးကြီးနှင့် အခြားဈေးများတွင် သစ်သီးဝလံဈေးကွက်အတွင်းအသီးအနှံမျိုးစုံ အသီးအရွက်မျိုးစုံရောင်းဝယ်လျက်ရှိရာ ရာသီစာ သစ်သီးဝလံတစ်မျိုးဖြစ်သော ရှောက်ချိုသီးများ ရောင်းဝယ်လျက်ရှိကြောင်း သိရသည်။
ရှောက်ချိုသီးများကို ပြည်မြို့နယ် အနီးအနားရှိ ကျေးရွာများဖြစ်သော ပျဉ်းပြင်ကိုင်းကျေးရွာအတွင်းရှိ ခြံကွက်များတွင် စိုက်ပျိုးထားသော ရှောက်ချိုသီးများမှ အသီးများကို ပြည်မြို့နယ်အတွင်းရှိ ဈေးများသို့ ရောင်းချကြောင်း သိရသည်။ရှောက်ချိုသီးကို အချဉ်ပေါင်းသယ်နှင့် ကျောင်းဈေးများတွင် ရောင်းချကြောင်းလည်းသိရသည်။ ရှောက်ချိုပင်တစ်ပင်လျှင် အလုံး (၂၀၀)ခန့် ခူးဆွတ်ရကြောင်း၊ ဈေးနှုန်းများအနေဖြင့် တစ်လုံးလျှင် (၂၀၀)ကျပ်ခန့်ရောင်းချ ရကြောင်းသိရသည်။ ရှောက်ချိုသီးများကို လှီး၍ အတို့ဖြင့်စားကြသလို ငပိ၊ ငံပြာရည်တို့ဖြင့်လည်း သုပ်၍ စားသုံးကြပါသည်။
DOCA(ပဲခူး)