လူတို့သည် နေ့စဉ်လှုပ်ရှုားသွားလာနေသည့်အလျောက် မိမိတို့၏အသားအရေသည် နေလောင်ဒဏ်နှင့် လေဒဏ်ခံရသည့်အပြင် ဖုန်အညစ်အကြေးတို့ကပ်ငြိတတ်သဖြင့် အသားအရေ မကြည်လင်ခြင်း၊ ညစ်နွမ်းခြင်းများဖြစ်ပေါ်လေ့ရှိပါသည်။ ယခုနှစ်များတွင် အသားအရေပြုပြင် ထိန်းသိမ်းခြင်းများအတွက် Scrub တိုက်ခြင်းအလေ့အထသည် ခေတ်စားလာပါသည်။ Scrub တိုက်ခြင်းသည် အသားအရေအတွင်းပိုင်းရှိ အညစ်အကြေးများအားသန့်စင်ပေးပြီး ကိုယ်တွင်း အပူများကို စုပ်ယူပေးသော သဘာဝပစ္စည်းများ ဖြင့်ပေါင်းစပ်ထားသော အနှစ်တစ်မျိုးဖြစ်ပါသည်။
Scrub တိုက်ရန်အတွက် ရေလုံလောက်စွာစိုစွတ်နေသော အသားအရေပေါ်သို့ Scrub ပမာဏအနည်းငယ်ယူကာ (၃)မိနစ်ခန့်ပွတ်တိုက်ပေးရပါသည်။ ထို့နောက်ရေဖြင့် ပြန်လည် ဆေးကြောပေးပြီး မိမိနှစ်သက်ရာ Lotion တစ်မျိုးလိမ်းပေးရပါသည်။ Scrub ကို တစ်ပတ်လျှင် တစ်ကြိမ် အသုံးပြုနိုင်ပြီး သာမန်အသားအရေပိုင်ရှင်များအတွက် တစ်ပတ်လျှင်နှစ်ကြိမ် အသုံးပြု နိုင်ပါသည်။
အလင်းအိမ်(Light House) Coffee Scrub ကို ပဲခူးတိုင်းဒေသကြီး၊ တောင်ငူခရိုင်၊ ရေတာ ရှည်မြို့နယ်၊ မြို့လှမြို့တွင် ထုတ်လုပ်ပြီး ပါဝင်ပစ္စည်းများမှာ ကော်ဖီ၊ သကြား၊ ပျားရည်၊ သံလွင်ဆီ၊ မန်ကျည်းသီး၊ ရှားစောင်းလက်ပတ်၊ သံပုရာသီး၊ နနွင်းမှုန့်တို့ပါဝင်ပါသည်။ အလင်းအိမ် (Light House) Coffee Scrub(300 g)တစ်ဘူးလျှင် ၁၀၀၀၀/- ကျပ်ဖြင့် ရောင်းချလျှက်ရှိပြီး အသုံးပြုသူများ အကြိုက်တွေ့သဖြင့် အရောင်းသွက်ကြောင်း အလင်းအိမ်(Light House) ကော်ဖီမှုန့်နှင့် Coffee Scrub လုပ်ငန်းရှင် ဦးဇေယျာမင်း၏ ပြောကြားချက်အရ သိရှိရပါသည်။
DOCA(ပဲခူး)