“ကျောက်ဆည်ခရိုင်ကြက်သွန်နီစျေးနှုန်းစျေးကွက်အခြေအနေ”

            ကျောက်ဆည်ခရိုင်အတွင်း လယ်ယာစိုက်ပျိုးရေးနှင့် သီးနှံမျိုးစုံ ထွက်ကုန်များ အဓိကထား စိုက်ပျိုးထုတ်လုပ်လျက်ရှိရာ ကြက်သွန်နီလည်း အဓိကပါဝင်လျက်ရှိပြီး ယခုနှစ် ကြက်သွန်နီစျေးနှုန်းများမှာ ထွက်ပေါ်ချိန်တွင် စျေးကောင်းရခဲ့သော်လည်း ဖြိုင်ဖြိုင်ထွက်ပေါ်သည့် မတ်လ၊ ဧပြီလများမှစ၍ စျေးနှုန်းများကျဆင်းခဲ့ရာ ယနေ့အချိန်စျေးနှုန်းများ အနည်းငယ်မြင့်တက်လျက်ရှိကြောင်း၊ ထွက်ပေါ်ချိန်က တောထုတ်အတိုင်း (၁)ပိဿာလျှင် (၂၈၀၀/-)ကျပ် စျေးနှုန်းဖြင့် အ‌ရောင်းအဝယ်ဖြစ်ခဲ့သော်လည်း ယခင်အရောင်းအဝယ်ဖြစ်နေသည့် စျေးနှုန်းများအနေဖြင့် ကြက်သွန်နီတစ်ပိဿာလျှင်(အကြီး) (၁၄၀၀/-)ကျပ်၊ အလတ် (၁၁၅၀-၁၂၀၀)ကျပ်၊ အသေး (၆၀၀-၇၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယနေ့အရောင်းအဝယ်ဖြစ်နေသည့် စျေးနှုန်းများအနေဖြင့် ကြက်သွန်နီတစ်ပိဿာလျှင်(အကြီး) (၁၈၀၀/-)ကျပ်၊ အလတ် (၁၆၀၀)ကျပ်၊ အသေး (၁၄၀၀-၁၅၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ရန်ကုန်၊ မန္တလေးမြို့များသို့ တင်ပို့လျက်ရှိကြောင်း သိရှိရပါသည်။ မြစ်သားကြက်သွန်နီအနေဖြင့် ဘုရင့်နောင်စျေးကွက်တွင် မျက်နှာပန်းလှ သည့်ကြက်သွန်ဖြစ်ပြီး ယခုနှစ် အခြေအနေပုံမှန်သာ အရောင်းအဝယ်ဖြစ်ကြောင်း၊ ကျောက်ဆည်စျေးကွက်သို့ တရုတ်ဝယ်လက်များ ကြက်သွန်လာရောက်လေ့လာမှုများရှိနေသဖြင့် တောင်သူများမှာလည်း ယခု ဩဂုတ်လဆန်းပိုင်းမှစတင်၍ မိုးကြက်သွန်များစိုက်ပျိုးရန်အတွက် ကြက်သွန်ပျိုးများလည်း စတင်ထောင်နေပြီဖြစ်ကြောင်း၊ မိုးကြက်သွန်နှင့် ဆောင်းကြက်သွန်ပေါ်ချိန်များတွင် ဈေးနှုန်းများကောင်းမွန်ပြီး ဈေးကွက်ဝယ်လိုအား ကျယ်ကျယ်ပြန့်ပြန့်ရှိပါက တောင်သူများ အကျိုးအမြတ်ဖြစ်ထွန်းနိုင်ကြောင်း ကြက်သွန်ပျိုးထောင်သော တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)