ငါးပတ်နှင့်ငါးပေါက်စကို ကန့်ဘလူခရိုင်၊ ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ထွက်ရှိသည့် ဒေသထွက်ရေချိုငါးများကို လက်လီ/လက္ကား ငါးအရောင်းအဝယ်ပြုလုပ်သည့် ဒိုင်များမှ ဝယ်ယူရောင်းချကာ ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။
ငါးဖယ်ခြစ်ကို မိမိတို့ကြိုက်နှစ်သက်သည့် ပုံစံအမျိုးမျိုးဖြင့် လုပ်စားကြပုံမှာ ငါးဖယ်ခြစ်ကို အဆုတ်ကလေးများလုပ်ပြီးချက်ခြင်း၊ ငါးဖယ်ခြစ်ကို ကြော်ခြင်း၊ ငါးဖယ်ကြော်ကို ပါးပါးလှီးပြီး အချို /အချဉ် သုပ်စားခြင်း နှင့် ငါးဖယ်ခြစ်ကို အချဉ်သိပ်စားခြင်း စသည့်တို့ဖြင် စားသောက်ကြပြီး ထမင်းဆိုင်၊ မုန့်ဟင်းခါးဆိုင်၊ အာပူလျှာပူဆိုင်များနှင့် စားသောက်ဆိုင်များတွင် အများဆုံး အသုံးပြုသည့်အတွက် ရောင်းအားကောင်းလျက်ရှိကြောင်း သိရသည်။
၂၀၂၅ ခုနှစ်၊ ဩဂုတ်လ စတုတ္ထပတ်တွင် ကျွန်းလှမြို့၏ ငါးဖယ်ခြစ်ဈေးနှုန်းများအနေဖြင့် တစ်ပိဿာလျှင်(၂၄၀၀၀)ကျပ်၊ (၅၀)ကျပ်သားလျှင်(၁၂၀၀၀)ကျပ်နှင့် (၁၀)ကျပ် သားလျှင်(၂၄၀၀)ကျပ်၊ ငါးဖယ်အကောင်လိုက် လက်လီ တစ်ပိဿာလျှင် (၁၆၀၀၀)ကျပ်၊ (၅၀)ကျပ်သားလျှင်(၈၀၀၀)ကျပ်နှင့် (၂၅)ကျပ်သားလျှင်(၄၀၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး အနည်းငယ်ဈေးနှုန်းမြင့်တက် သော်လည်းအရောင်းအဝယ်ဖြစ်လျက်ရှိကြောင်း ငါးရောင်းချသူထံမှ သိရပါသည်။
DOCA (စစ်ကိုင်း)