ပြည်တွင်းစားဆီကြိတ်ခွဲမှုနှင့် ပြည်ပသို့တင်ပို့သည့်နှမ်းအား မန္တလေးတိုင်းဒေသကြီး အတွင်း ၂၀၂၄-၂၀၂၅ ခုနှစ်တွင် စိုက်ပျိုးမှု ၁၁၀၅၈၀၁ ဧက၊ရိတ်သိမ်းမှု ၁၀၂၃၁၁၀ ဧက၊ အထွက် နှုန်း ၅.၄၀ တင်းနှင့် အထွက်စုစုပေါင်း ၅၅၂၃၅၀၃ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်စက်တင်ဘာလပထမပတ် အတွင်း နှမ်းအမျိုးအစား အလိုက်ပေါက်စျေးများမှာ ၃တင်းဝင်အိတ် (၄၅ပိဿာပါ) တစ်အိတ်လျှင် နှမ်းဖြူ (ဂျပန်) ၃၀၀၀၀၀ကျပ်၊နှမ်းဖြူ (ဗမာ) ၂၆၀၀၀ဝကျပ်နှင့် ၂၇၀၀၀ဝ ကျပ်၊ နှမ်းညို ၂၅၈၀၀၀ ကျပ်နှင့် ၂၆၂၀၀၀ ကျပ်၊ တစ်ပိဿာစျေးမှာ နှမ်းဖြူ (ဂျပန်) ၆၆၆၇ ကျပ်၊ နှမ်းဖြူ (ဗမာ) ၅၇၇၈ ကျပ်နှင့် ၆၀၀၀ ကျပ်၊နှမ်းညို ၅၇၃၃ ကျပ်နှင့် ၅၈၂၂ ကျပ် စျေးတို့ဖြစ်ပေါ် လျက်ရှိကြောင်း သိရ ပါသည်။ ယခင်နှစ် ကာလတူ ပေါက်စျေးမှာ တစ်ပိဿာလျှင် နှမ်းဖြူ(ဂျပန်) ၉၇၇၈ ကျပ်နှင့် ၁၀၂၂၂ ကျပ်၊ နှမ်းဖြူ (ရိုးရိုး) ၈၂၂၂ ကျပ်နှင့် ၈၄၄၄ ကျပ်၊ နှမ်းညို ၆၆၆၇ ကျပ်နှင့်၇၁၁၁ ကျပ် တို့ဖြစ်ပေါ်ခဲ့ပြီး၊ ယခုနှစ်နှင့်ယခင်နှစ် ကာလတူစျေးနှိုင်းယှဉ်ပါက နှမ်းစျေးမှာ အနည်းငယ်ကျဆင်း သွားကြောင်း သိရပါသည်။
DOCA (မန္တလေး)