မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့ပတ်ဝန်းကျင်ရှိ ရွာတော်၊ ဥယျာဉ်၊ ပန်း တော်ပြင်၊ မယ်ဇလီတော၊ ညောင်ပင်သာ စသည့်ကျေးရွာများနှင့် မြို့ပေါ်ရှိရပ်ကွက်များတွင် ဩဇာသီးကို တစ်နိုင်တစ်ပိုင်စိုက်ပျိုးလျက်ရှိရာ ဇေယျာသီရိဈေးအတွင်းသို့ ၂၀၂၅ခုနှစ်၊ ဩဂုတ်လ (တတိယပတ်)မှစတင်၍ ဝင်ရောက်အရောင်းအဝယ်ဖြစ်ခဲ့ကြောင်း သိရသည်။
၂၀၂၅ခုနှစ်၊ စက်တင်ဘာလ(ပထမပတ်)တွင် ဩဇာသီး(၁)ပိဿာလျှင် (အလုံးအကြီး၊အ သေး) အလိုက် ကျပ်(၃၀၀၀-၃၅၀၀)ဖြင့် အရောင်းအဝယ်ဖြစ်လျက်ရှိပြီး ယခင်ပေါ်စအချိန် ဩဂုတ် လ (တတိယပတ်)တွင် (၁)ပိဿာလျှင် ကျပ်(၄၀၀၀)ဖြင့် အရောင်းအဝယ်ဖြစ်ခဲ့ရာ ဈေးနှုန်းနှိုင်းယှဉ် ပါက ယခုတစ်ပတ်တွင် ကျပ်(၅၀၀)ဈေးနှုန်းကျဆင်းပြီး အရောင်းအဝယ်ဖြစ်ကြောင်း သိရသည်။ ယခုအချိန်တွင် မင်းလှမြို့နယ်အတွင်းရှိ ကျေးရွာများတွင်သာမက မကွေး၊ မင်းဘူး၊ သရက်မြို့တို့မှ ဩဇာသီးများ ဝင်ရောက်လာသည့်အတွက် ဈေးနှုန်းကျဆင်းခြင်းဖြစ်ကြောင်း သိရှိရသည်။
DOCA(မကွေး)