မန္တလေးတိုင်းဒေသကြီးအတွင်းရှိ မြင်းခြံခရိုင်သည် နှစ်ရှည်ပင်သီးနှံများကို စိုက်ပျိုးကြ သော်လည်း တညင်းသီးပင်စိုက်ပျိုးဖြစ်ထွန်းမှုမရှိကြောင်း၊ တညင်းပင်သည် မြန်မာနိုင်ငံ အပူပိုင်းဒေသများတွင် ပေါက်ရောက်မှုနည်းပြီး၊ အအေးပိုင်းဒေသများဖြစ်သော ရှမ်းပြည်နယ်၊ မြစ်ကြီးနားမြို့နှင့် ပြင်ဦးလွင်ဒေသများတွင်ပေါက်ရောက်ကြောင်း၊ ထွက်ပေါ်ချိန်မှာ(မေလမှ ဩဂုတ်လ) နွေရာသီနှင့် မိုးရာသီ အစောပိုင်းကာလများတွင် ထွက်ပေါ်ချိန်ကြောင်းသိရသည်။ မြင်းခြံဈေးကွက်တွင်စက်တင်ဘာလပထမပတ်တွင် တစ်ပိဿာလျှင် (၈၀၀၀) ကျပ်ပေါက်ဈေး ရှိကြောင်း၊ စားသုံမှုများ၍ ဈေးကွက်တွင်အရောင်းအသွက်လျက်ရှိကြောင်း၊ မြစ်ကြီးနားဒေသထွက် တညင်းသီးများကို မှာယူတင်သွင်းပြီး မြင်းခြံဈေးကွက်သို့ ရောင်းချကြောင်း၊ ကုန်သည်၏ပြောပြချက်အရသိရသည်။ စားသုံးမှုအနေဖြင့် တညင်းသီးကိုပြုပ်စားခြင်း၊ ချက်စားခြင်း၊ လဘက်ဖြင့်သုပ်စားခြင်း၊ တညင်းသီးဆားရည်စိမ်ကို ငပိရည်နှင့် စားခြင်းစသည်ဖြင့် စားသုံးနိုင်သလို ကျန်းမာရေးအနေဖြင့် တညင်းသီးတွင် သကြားဓာတ်များ၍ ဆီးချိုရှိသူများ သတိထား စားသုံးသင့်ကြောင်း၊ ကယ်လိုရီများ၍ အလွန်အကျွံစားပါက ကိုယ်အလေးချိန်တက်နိုင်ကြောင်း၊ တညင်းသီးကို ကျန်းမာရေးနှင့် သင့်တင့်မျှတစွာ စားသုံးသင့်ကြောင်း သိရှိ ရပါသည်၊၊
DOCA(မန္တလေး)