မန္တလေးတိုင်းဒေသကြီး ၊ ကျောက်ဆည်ခရိုင်သည် သီးနှံမျိုးစုံစိုက်ပျိုးဖြစ်ထွန်းလျက်ရှိပါသည်။ကျောက်ဆည်ဒေသသည် အညာဒေသတစ်ခုဖြစ်သည့်အလျောက် အညာဒေသ၏အပင် တစ်မျိုးဖြစ်သော သီးသီးပင်သည်လည်း နေရာအနှံ့အပြားပေါက်ရောက်လေ့ရှိပါသည်။ ယခုလို မိုးရာသီ တွင်သီးသီးများဖြိုင်ဖြိုင်ပေါ်လျက်ရှိပါသည်။ သီးသီးသည် အပူဒဏ်ခံရသော ဝေဒနာ များကိုသက်သာ စေတယ်လို့ အိန္ဒိယမှနာမည်ကြီးပါသည်။ သီးသီးက အမျှင်ဓါတ်ကြွယ်ဝတဲ့ အသီးဖြစ်သောကြောင့် အစာခြေ စနစ်ကိုကျန်းမာစေပြီး ဝမ်းမှန်စေပါသည်။ ကျောက်ဆည်မြို့ရှိ အေးမြကြည်လင်စျေးနှင့် မြို့မစျေးများထဲတွင် သီးသီးများအရောင်းအဝယ်ဖြစ်လျက်ရှိပြီး သီးသီးစျေးနှုန်းအနေဖြင့် တစ်လုံး လျှင်(၁၀၀-၁၅၀)ကျပ်ရှိပြီး အလုံးအကြီးအသေးပေါ်မူတည်၍ စျေးကွာခြားလျက်ရှိပါသည်။ သီးသီးကို ယိုပဲထိုး စားစား၊အနှစ်ကိုကြိတ်ပြီးဖျော်ရည်ပဲ လုပ်သောက်သောက်၊အသီးကို ငရုတ်သီး၊ ဆားတို့ နှင့်နယ်ပြီးပဲစားစား ဘယ်လိုစားပေးစားပေး လူကို အကျိုးပြုနိုင်တယ်ဆိုတာ သိသွားကြပြီး ဆိုတော့ အလျဉ်းသင့် သလိုကြုံကြိုက်ရင်တော့ဖြင့် မြည်းစမ်းစားကြည့်ကြဖို့ အကြံပြုရေးသားလိုက်ရပါသည်။
DOCA(မန္တလေး)