ရန်ကုန်တိုင်းဒေသကြီးအတွင်း ၂၀၂၁-၂၀၂၂ ခုနှစ်တွင် ဆောင်း ပဲတီစိမ်း(ရွှေဝါ) စိုက်ဧက (၃၆၁၀၇၈)ဧက စိုက်ပျိုးခဲ့ပြီး အထွက်နှုန်း (၁၄.၉၃)တင်းဖြင့် အထွက်တင်း စုစုပေါင်း (၅၃၉၁၅၄၃)တင်းထွက်ရှိခဲ့ပြီး ညီမျှတန်အားဖြင့် တန် (၁၇၀၀၀၀)ကျော် ထွက်ရှိခဲ့ ပါသည်။ ယခုလာမည့် ၂၀၂၂-၂၀၂၃ ခုနှစ် ဆောင်းရာသီတွင် ပဲတီစိမ်း(ရွှေဝါ) (၃၆၁၃၅၇)ဧက စိုက်ပျိုးရန် လျာထားပြီး ခန့်မှန်းအထွက်နှုန်း (၁၄.၄၅)တင်းဖြင့် အထွက်တင်း စုစုပေါင်း (၅၂၂၁၆၀၉)တင်း ညီမျှတန်အားဖြင့် တန် (၁၇၀၀၀၀)ကျော် ထွက်ရှိမည်ဟု လျာထားကြောင်းသိရှိရပါသည်။
ရန်ကုန်တိုင်းဒေသကြီးအတွင်း ပဲတီစိမ်း(ရွှေဝါ) အများဆုံးစိုက်ပျိုးသော မြို့နယ်များ မှာ သုံးခွမြို့နယ်၊ ခရမ်းမြို့နယ်၊ ကျောက်တန်းမြို့နယ်နှင့် သန်လျင်မြို့နယ်တို့ဖြစ်ကြပြီး ယခင်နှစ် ဆောင်းပဲတီစိမ်း(ရွှေဝါ) ထွက်ရှိချိန် အများဆုံးစိုက်ပျိုးသည့် သုံးခွမြို့နယ်၊ ခရမ်း မြို့နယ်များတွင် (၇၂)ပေါင် ကိုက် ပဲတီစိမ်း(ရွှေဝါ) တစ်တင်းအဖွင့်ဈေးမှာ ကျပ်(၄၅၀၀ဝိ/-) မှ (၄၆၀၀၀/-)ဈေးပေါက်ခဲ့ပြီး နောက်ပိုင်းတွင် ပဲတီစိမ်း(ရွှေဝါ) တစ်တင်းလျှင် ကျပ် (၅၃၀၀၀/-)ထိ အမြင့်ဆုံးဖြစ်ခဲ့ပြီး ဈေးကောင်းရရှိခဲ့ကြောင်း သိရှိရပါသည်။
ယခုနှစ် ၂၀၂၂-၂၀၂၃ ခုနှစ် ဆောင်း ပဲတီစိမ်း(ရွှေဝါ)များအား ရန်ကုန်တိုင်းဒေသကြီးအတွင်း မိုးစပါးထွက်ပေါ်ပြီးနောက်ပိုင်း စိုက်ပျိုးတော့မည်ဖြစ်ရာ ဒေသတွင်း မျိုးပဲတီစိမ်း(ရွှေဝါ) (၇၂)ပေါင်ကိုက် တစ်တင်းပေါက်ဈေးမှာ ကျပ်(၆၅၀၀ဝိ/-)မှ (၇၀၀၀ဝိ/-) ထိ ဖြစ်ပေါ်လျှက်ရှိကြောင်းနှင့် ဆောင်း ပဲတီစိမ်း(ရွှေဝါ)များ ထွက်ပေါ်မည့် ကာလတွင်လည်း ဈေးကောင်းရရှိလိမ့်မည်ဟု နယ်ကုန်သည်နှင့် လယ်သမားအများစုက တွက်ဆလျှက်ရှိကြောင်း စုံစမ်းသိရှိရပါသည်။
DOCA(ရန်ကုန်)