ထားဝယ်မြို့နယ်အတွင်းရှိ ကျေးရွာများနှင့် ထားဝယ်မြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှာ နှစ်ရှည်သီးနှံ ဖြစ်သည့် သရက်သီးပင်၊ နဂါးမောက်သီးပင်၊ ပိန္နဲသီးပင်၊ အုန်းသီးပင်၊ မန်ကျည်းသီးပင် နှင့် မာလကာသီးပင်များကိုလည်း မိမိတို့နေအိမ်ခြံစည်းရိုးများနှင့် တောင်ယာများထဲတွင် တစ်ပိုင်တစ်နိုင်စိုက်ပျိုးလျက်ရှိပြီး အုန်းသီးများကို ထားဝယ်မြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များမှ ရပ်ကွက်ဈေးများနှင့် မိမိတို့ ကျေးရွာများတွင် ရောင်းချလျက်ရှိကြောင်းသိရသည်။
၂၀၂၅ ခုနှစ်၊ စက်တင်ဘာလ တတိယပတ်အတွင်း ဖြစ်ပေါ်နေသော ထားဝယ်မြို့၏ ဒေသ ထွက် အုန်းသီးဈေးနှုန်းများမှာ နတ်ကန်တော့ရန် အုန်းသီးတစ်လုံးလျှင်(၅၀၀၀)ကျပ်၊ အုန်းသီးအရင့် အလုံးအကြီး၊ အသေးပေါ်မူတည်၍ တစ်လုံးလျှင်(၃၅၀၀ မှ ၅၀၀၀)အထိ ဈေးနှုန်းအသီးသီး တို့ဖြင့် ရောင်းချလျက်ရှိကြောင်း ကမ်းနားဈေး၌ အုန်းသီးရောင်းချနေသော ဈေးသည်ထံမှ သိရသည်။
DOCA(တနင်္သာရီ)