ကျောက်ဆည်ခရိုင်အနေဖြင့် သီးနှံမျိုးစုံစိုက်ပျိုးထုတ်လုပ်တင်ပို့ရောင်းချမှုကိုတစ်နှစ်ပတ်လုံး ရာသီအလိုက် စိုက်ပျိုးထုတ်လုပ်တင်ပို့ရောင်းချပေးလျက်ရှိရာ ကြက်သွန်နီ စိုက်ပျိုးထုတ်လုပ်တင်ပို့မှုမှာလည်းအဓိကနေရာမှပါဝင်လျက်ရှိပြီး စျေးနှုန်းများအနေဖြင့် ခပ်အေးအေးရောင်းဝယ်နေ ပြီး ကြက်သွန်နီ (၁)ပိဿာလျှင် အကြီး(၁၇၀၀-၁၈၀၀)ကျပ်၊အလတ်(၁၄၀၀-၁၅၀၀)ကျပ်၊အသေး (၁၀၀၀-၁၁၀၀)ကျပ်ဖြင့် စျေးကွက်အတွင်းဖြစ်ပေါ်လျက်ရှိပါသည် ။ စျေးနှုန်းများအနေဖြင့် ထွက်ပေါ် ချိန်ထက်ပင် စျေးနှုန်းများထပ်ကျနေကြောင်းသိရှိရပြီး တောင်သူများအနေဖြင့် ကြက်သွန်နီစျေးကို တက်စျေးမျှော်နေကြကြောင်း၊ ကုန်သည်ပွဲစားများအနေဖြင့် ယခုနှစ် သိုလှောင်မှုအနည်းငယ်ရှိပါ ကြောင်း၊တောင်သူများလက်ဝယ်တွင်သာ အများဆုံးကျန်ရှိနေကြောင်း သိရှိရပါသည်။ ယခင်နှစ် စျေးနှုန်းများဖြင့်နှိုင်းယှဉ်ပါက ယခုနှစ်တွင် တောင်သူများအနေဖြင့် တွက်ခြေကိုက်မှုနည်းပါကြောင်း၊ လေးဆယ်ကုန်းရွာမှ ကြက်သွန်နီစိုက်တောင်သူကြီးတစ်ဦးမှ ပြောပြချက်အရသိရှိရပါသည်။ရန်ကုန် ဘုရင့်နောင်သို့ပင် နေ့စဉ်တင်ပို့နိုင်မှုမရှိကြောင်း တွေ့ရှိရပြီး ကျောက်ဆည်(မြစ်သားစ) နေ့စဉ် စျေးနှုန်းထုတ်ပြန်မှုအရသိရှိရပါသည်။
DOCA(မန္တလေး)