(၁၀.၁၁.၂၀၂၅)ရက်နေ့ နေ့လည်(၁၄:၁၅) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ စစ်ဆေးရေးအရာရှိများသည် အမှတ်(၂၄၆)၊ မက္ခရာမင်းသားကြီးမောင်ပျိုးလမ်း၊ စက်မှုဇုန်(၂)၊ လှိုင်သာယာမြို့နယ်ရှိ Ocean Super Center တွင် ရောင်းချနေသော အမှတ်တံဆိပ်ပါ ဆီဘူးများတွင် ကုန်အညွှန်းအမှတ်အသားပြည့်စုံခြင်းရှိ/ မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် အမေထွား(အဆင့်မြင့်မြေပဲဆီ)၊ ဧရာဝတီ(မြေပဲဆီစစ်စစ် ပဲဆီသန့်)၊ အမေထွား(နှမ်းဆီ)၊ သူကြီးကတော်(သဘာဝမြေပဲဆီစစ်စစ်)၊ ငွေသဇင်မင်း(ရာနှုန်းပြည့် မြေပဲဆီ)၊ ဇမ္ဗူအေး(ရာနှုန်းပြည့်မြေပဲဆီ)စသော တံဆိပ်အမျိုးမျိုးဖြင့် (၅၀)ကျပ်သား၊ (၁)ပိဿာ၊ (၂) ပိဿာဘူးများဖြင့် ရောင်းချပြီး ကုန်အညွှန်းအမှတ်အသားများ ပြည့်စုံစွာပါရှိကြောင်း စစ်ဆေးတွေ့ရှိရကြောင်း သိရှိရပါသည်။
DOCA (ရန်ကုန်)